قاغذی کیملیکلر و کیملیکلر کاپیسی یوزیده استیکر قیستریش موضوعی، جمهورلیک ریاستی، اهالی و سیاسی حزبلر آرهسیده و باشقه تاماندن جمهورلیک ریاستی و اجراییه ریاستی آرهسیده کوپینچه قرهمه قرشیلیکلرگه سبب بولدی. حاضر سیلاولر ایرکین کمیسیونی بو توغریده بولگن خواطرلرنی رفع قیلیش و یشاوچیلرنینگ جانینی سقلش اوچون آواز بیریش شرایطیگه ماس کیشیلر اوچون مثنی کیملیک ترقهتیلیشی گه قرار قیلگن و یوزیده استیکر قیستریلگن صورتده، یشاوچیلر اوچون قیینچیلیک یرهتمهیدی.
بیراق، سیلاولر جریانیدن نظارت قیلووچی ادارهلر، کمیسیوننینگ ادعاسیگه قرشی ایتیشیچه، بو قرار سیاسی توشونچهلر و ساختهکارلیک اوچون آلینگن.
افغانستان سیلاولرینی کوزهتووچی اداره اورین باسری شاه محمود ملنینگ سلاموطندارگه ایتیشیچه، حکومت و کمیسیوننینگ بو ریجهلری بهانه دیر؛ چونکه اصلی قیینچیلیک حکومت و سیلاولر ایرکین کمیسیونیده دیر.
جناب ملگه کوره، مثنی کیملیک ترقهتیلیشی کاپی کیملیکدن هیچ فرق قیلمهیدی و بو ایش بیلن نظارت قیلینیشی توغریسیده هیچ بیر سیستم ایش بیرمهیدی.
عین حالده، جمعیتنی رویخطگه آلیش اداره سوزلاوچیسی روحالله احمدزینینگ ایتیشیچه، آواز بیریش شرایطیگه ماس یشاوچیلر اوچون مثنی کیملیک ترقهتیش ریجه سیلاولر کمیسیونی تامانیدن ارایه ایتیلگن و اولرنینگ وظیفهسی یالغیز کیملیک ترقهتیش بولیب و سیلاولر تنیقلیگی اولرگه تیگیشلی بولمهیدی.
اوشبو موضوع توغریسیده سیلاولر ایرکین کمیسیونینینگ فکرینی اورگهنیش اوچون علاقه قوردیک، بیراق اولر صحبت بیریشگه حاضر بولمهدی.
