افغانستانلیک بیر قنچه خبرچیلر، اخیرگی ییللرده خبرچیلرنی حمایت قیلیش ادارهلر سان حجتدن کوزگه کورینرلی درجهده کوپیگن بولسه –ده لیکن، صفت نقطه نظردن خبرچیلر اوچون هیچ بیر ایش قیلمهگنلر دیدیلر.
اولر بو ادارهنی فقط ییتکرمهلر فعالینی سرگردان قیلیش «نمایشی» دن بولک نرسه ایمس دیدیلر. سلام وطندار ترماغیگه صحبت بیرگن مذکور خبرچیلر، ییتکرمهلر ساحهسیده فعالیت قیله دیگن تشکیلاتلردن ناراض ایکن لیکلرینی تیلگه آلگنلر.
چونکه بولرنینگ کوپینچهسی خبرچیلر نامینی سوء استعمال قیلیب، «پروژه» آله دیلر و زیان کورگن خبرچیلرنی اوز حالیگه قویهدیلر. اما، افغانستان ایرکین ییتکرمهلر تشکیلاتی نینگ باشلیغی صدیقالله توحیدی، 15 ییتکرمه «خبرچیلر فدراسیونی» نامی آستیده فعالیت قیلهدی و مذکور فدراسیون ایسه اوچ ییلدن بیری خبرچیلر حقنی مدافعه قیلیش اوچون بنیادی واساسی ایشلرنی عملگه آشیرگنلیگینی ایتگن.
جناب توحیدی نینگ سوزلریگه کوره، ایش مصوونیتی مقررهسینی تدوین قیلیش، عمومی ییتکرمهلر اوچون ترتیبلی ایش دستوری، مملکت بولیب هماهنگلیک کمیته ایجاد قیلیش مذکور فدراسیون نینگ عملگه آشیریلگن اساسی ایشلریدن بولگن لیگیگه اشاره قیلگن.
خبرچیلرنینگ شکایتیگه اشاره قیلگن افغانستان ایرکین اخبارات واسطهلرینی کوزهتوچی اداره باشلیغی، خبرچیلرنینگ ایستگی بو ادارهلرنینگ قدرتیدن یوقاری دیگن.
افغانستان ژورنالیستلر اویوشمهسی نینگ باشلیغی رحیم الله سمندر، خبرچیلرگه قرشی زوروانللیک میزانی آشیشینینگ بیرینچی دلیلی خبرچیلرگه عاید دوسیهلر درست شکلده تعقب بولمسلیک دیگن.
خبرچیلرگه قرشی زوروانلیک آشگن لیگیدن علاوه، مدافع ادارهلر هم اونچهلیک ترقی ایتمهگن. افغانستان ییتکرمهلرینی حمایت قیله دیگن تشکیلاتی «نی» افغانستان خبرچیلر مرکزی، ژورنالیستلر اویوشمهسی، ایرکین ییتکرمهلر بازاری، ژورنالیستلر عالی کینگشی، کابل پرس کلب، خبرچیلر مصوونیت کمیتهسی، ژورنالیستلرنی مدافعه ایته دیگن کمیته، جنوبی آسیا اویوشمهسی «سفما» خبرچیلر مدافعه وکیللر کمیتهسی، خبرچیلرنی حمایت قیله دیگن ترماق، ژورنالیستلر فدراسیونی، افغان عیال خبرچیلر آوازی و ژورنالیستلر ایرکین انجمنی سونگی ییللرده ایجاد بولگن ادارهلردن حسابلنهدی.
