ساغلیقنی سقلش وزیرلیگی نینگ اعلان قیلیشیچه، اوتگن 24 ساعت جریانیده کرونا ویروسیدن باشقه 319 ینگی ایجابی واقعه قید ایتیلگن.
بوگون "چهارشنبه" ساغلیقنی سقلش وزیرلیگی تامانیدن نشر قیلینگن اعلامیهده ایتیلیشیچه، اوتگن بیر کیچه و کندوز ده کرونا ویروسیدن 133 ینگی ایجابی واقعه کابل، 56 واقعه دایکندی، 42 واقعه هرات، 21 واقعه فراه، 14 واقعه تخار، 11 واقعه بادغیس، 10 واقعه قندهار، 8 واقعه بلخ، 6 واقعه بدخشان، 5 واقعه ننگرهار، 5 واقعه بغلان، 3 واقعه لوگر، 2 واقعه میدانوردک، 1 واقعه لغمان، 1 واقعه پنجشیر و باشقه 1 واقعه زابل ولایتیده قید ایتیلگن.
ساغلیقنی سقلش وزیرلیگیگه کوره، اوشبو ینگی ایجابی واقعهلر شامل مملکت بوییچه کرونا ویروسیگه چلینگنلرنینگ سانی 31836 کیشیگه کوپهیگن.
اعلامیهگه کوره، اوتگن 24 ساعت جریانیده کرونا ویروسیگه چلینگنلردن 28 تهسی دنیا دن اوتگن و حاضرگهقدر دنیا دن اوتگنلر سانی 774 کیشیگه ییتیشگن.
اعلامیهده ایتیلیشیچه، اوتگن بیر کیچه و کندوز ده کرونا ویروسیگه چلینگنلردن 1520 تهسی درمانلنگن دیر و درمانلنگنلر سانی 15651 کیشیگه ییتیشگن.
ساغلیقنی سقلش وزیرلیگی، افغانستان یشاوچیلریدن کرونا ویروسی کوپهیشیگه توسیق بولیش اوچون ساغلیک مواردلرنی رعایت قیلیشلرینی سورهگن.
