یشاوچیلیک شرطنامه برنامهسی مملکت ده نیچه سکتورلیک و وزیرلیکلر ارا بیرینچی برنامه دیر و بو برنامه شهرلر و قیشلاقلرده 10 ییل اوچون 6 اساسی خذمت قیلیش خصوصیده، بیر میلیارد دالر خرجت کوتریب ریجهلنگن.
اوشبو برنامه اساسیده، ساغلیک و دارولش خذمتلری ساغلیقنی سقلش وزیرلیگی تامانیدن، اورگهتیش و تربیهلش معارف وزیرلیگی تامانیدن، سوو مدیریتی، سوو تاشقینلری کنترول قیلینیشی، ایچیملیک سوو تیارلنیشی، یشش محیطنی سقلش، قیته کوریلهدیگن انرژیلر یا-ده برق ییتکزیش خذمتلری، شهرلر و قیشلاقلرنی بیر-بیراوی بیلن باغلش قیشلاقلرنی رواجلنتیریش و کینگهیتیریش وزیرلیگی و قیشلاقلرده ایکینچیلیک بوییچه کیچیک آست قوریلمهلر رواجلنیب و قوریلیشی ایکینچیلیک وزیرلیگی تامانیدن ارایه ایتیلهدی.
افغانستان حکومتی بوندن آلدین، ایسلنگن خذمتلر ملی بیردملیک برنامهسی آرقهلی مملکت شهرلری و قیشلاقلریده عمل گه آشیرردی و حاضر یشاوچیلیک شرطنامه برنامه سی بو برنامه نی جایی گه کیریتیلگن.
ایتیلیشیچه، بو برنامه ده عیاللر و ایرکک لرنینگ سهمیه سی برابر دیر و عیاللرگه حکومت تامانیدن 50% سهمیه نظرگه آلینگن.
قندوز ولایتیده قیشلاقلرنی کینگهیتیریش ریاست باشلیغی دوستمحمد ریحان نینگ ایتیشیچه، کینگشلرده عیاللر اوچون یشاوچیلیک شرطنامه برنامهسیده 50% سمیه نظرگه آلینگن.
اونینگ کوپهیتیریشیچه، حاضر قندوز ولایتیده 375 کینگش فعالیت قیلهدی و بو کینگشلردن یریمی نی عیاللر تشکیل بیرهدی.
قندوز ولایتیده قیشلاقلرنی کینگهیتیریش ریاست باشلیغی نینگ ایتیشیچه، ملی بیرلیک برنامهسی نینگ رواجلنتیریش کینگشلریده عیاللرنینگ حضوری کوپ بولگن منطقهلرده عامالمنفعه و همه شمول پروژهلر کوپلب ریجهلنیب و عملگه آشیریلگن.
قندوزده یشاوچیلیک شرطنامه برنامهسی نینگ اجتماعی بولیم ایشلاوچیسی سمینه نظری نینگ ایتیشیچه، اوشبو ولایتده دایمی ترقیات اوچون رواجلنتیریش پروژهلر و یشاوچیلیک شرطنامه برنامهسیده عیاللرنینگ رولی کوپهیگن.
اونگه کوره، قیشلاقلرنی رواجلنتیریش و یشاوچیلیک شرطنامه برنامهلریده عیاللرنینگ رولی و فعالیتی خاص اهمیت گه ایگه بولگن؛ چونکه بوندن آلدین قیشلاقلرده عیاللرگه آز اهمیت بیریلگن.
خانم نظری نینگ کوپهیتیریشیچه، یشاوچیلیک شرطنامه برنامهسیده یشاوچیلر و عیاللرنینگ انسانی حقوقی نظرگه آلینگن و شو یوزهدن کینگشلرنینگ ایکی کلیدی اعضاسی جملهدن اورین باسری و کاتبی عیاللرنینگ آرهسیدن سیلنگن.
شونینگدیک، قندوز ولایتیده عیاللرنینگ یشاوچیلیک شرطنامه برنامهسینی اویغونلشتیرووچی مسؤولی شاکرالله رشادنینگ ایتیشیچه، یشاوچیلیک شرطنامه برنامهسیده عیاللرنینگ رولی 50% نظرگه آلینگن، بیراق ایریم اوزاق محلهلرده عیاللرنینگ رولی نمایشی دیر.
اونینگ کوپهیتیریشیچه، قیشلاقلرده عیاللر کوپینچه قیینچیلیکلرگه روپهره بولیب تورگن و اولر بو قیینچیلیکلرنی اساسی شکلده حل قیلیش اوچون سعی و حرکت قیلهدیلر.
جناب رشادنینگ ایتیشیچه، قندوز ولایتی بوییچه یشاوچیلیک شرطنامه برنامهسینینگ کینگشلریده 3910 عیال کینگش اورین باسری و کاتبی صفتیده فعالیت قیلهدی.
شونینگدیک، قندوز ده عیاللر حقوقی فعاللریدن بیرقطاری، یشاوچیلیک شرطنامه برنامهسیده عیاللرنینگ سهمیهسی کوپهیگنیدن خرسندلیک بیلدیریب ایتیشیچه، بو حضور اولرنینگ رولی نمایشی بولمهگونگهقدر تأثیر قیلمهیدی.
اوشبو عیاللرگه کوره، حاضر عیاللرنینگ ظرفیتی و کوچلری اوتمیش گه نسبتن کوپهیگن و ادارهلرده اولرنینگ حضوری کوپهییشی کیرهک.
