پنجشیر ولایتی نینگ یشاوچیلریدن یوزلرچهسی حمید خراسانی قولگه آلینگنی گه قرشی اعتراض بیلدیریب و ناراضیلیک بیر نمایشده مذکور ولایت نینگ عمومی قتناو یولینی ترافیک یوزیگه باغلهگنلر.
اعتراضچیلرنینگ ایتیشیچه، حمید خراسانی قوییب یوباریلمهگن حالده، اعتراضلریگه دوام بیرهدیلر.
اعتراضچیلرنینگ کوپهیتیریشیچه، حمید خراسانی هیچقندی جرم ایشلهگن ایمس و شخصی عقدهلر سبب، ایچکی ایشلر وزیرلیگی تامانیدن قولگه آلینگن.
حاضرده قطار یوک تاشیووچی و مسافر تاشیووچی موتر جاده ایکی تامانیده توختهتیلگن.
بوتوغریده ایچکی ایشلر وزیرلیگی فکرینی آلیش اوچون سعی و حرکت قیلدیک، بیراق ایچکی ایشلر وزیرلیگی سوزلاوچیسی نصرت رحیمی بو توغریده صحبت قیلیشنی ایستمهدی.
پنجشیر پولیس قومندانی اسحق تمکین نینگ سلاموطندارگه ایتیشیچه، مذکور اعتراض بیر شرط نامه اوقیلگنیدن سونگ، یکونلندی.
بیراق، اعتراضچیلرنینگ پنجشیر پولیس قومندانی صحبتلرینی رد قیلیب ایتیشیچه، اعتراضلری نینگ دوامی بار و پنجشیر قتناو یولی باغلنگن دیر.
حمید خراسانی اوتگن هفته اوغرلاوچیلیک، قتل، باجآلیش و باشقه قطار عیبلر باعث، ایچکی ایشلر وزیرلیگی تامانیدن قولگه آلینگن ایدی.
