افغان-تورک لیسهلری بوندن ۲۳ ییل آلدین افغانستانده اوز فعالیتینی باشلهگن. تورکیه دولتینینگ افغانستان دولتی و خلقی بیلن کوپ زمانلردن بیری همکارلیک اورتاقلیگی دوام ایتیب کیلماقده. ایکی دولت ارا و خلقلر علاقهلری واسطهسیده باشلنگن تعلیمی پروسهده، افغان-تورک نامی بیلن باشلنگن لیسهلر افغانستاننینگ کابل، بلخ، جوزجان، هرات، قندهار و ننگرهار ولایتلریده فعالیت قیلیب اونلرچه مینگ طلبهنی اوشبو مکتبلردن فراغت بیریب، جامعهگه تقدیم ایتگن و شوآن تقدیماتی دوام ایتماقده.
بوگونکی مذکور لیسهلر مساعدتی کابلگه حیات کیچیرهدیگن اوچ مینگ خانهداننی اوز ایچیده آلگن یاردملر برنج، یاغ و مکرونی بولگن. ایتیلیشیچه، باشقه تورت مینگ خانهدان اوچون هم مملکت ایریم ولایتلریده رمضان مبارک آیینینگ سونگی هفتهسی جریانیده انسان پرورلیک یاردملر ترقه تیلهدی.
افغان-تورک لیسهلری تدریس اورین باسری ایلماز آيتننینگ ایتیشیچه، اولرنینگ رمضان مبارک آیی کیلیشی بیلن هرییل افغانستان ایریم نقطهلریده قشاق خانهدانلرگه انسانسیورلیک یاردملری اوزلوک سیزشکلده دوام ایتهدی. اونینگ کوپهیتیریشیچه، افغان-تورک لیسهلری معارف پروگراملری یانیده خلققه خدمت قیلیش نیتیده خدمت ناملی برنامهلری آرقهلی اونلرچه خانهدانگه انسانپرورلیک یاردملری بیلن فعالیت قیلهدیلر.
افغان-تورک لیسهلری انسانپرور یاردملرینی افغانستانده ۱۲ ییل آلدین باشلهگن ایکنلیگینی جناب ایلماز آیتین تیلگه آلدی. اونینگ معلوماتیگه کوره، هرییل قشاق عایلهلرنی اوشبو لیسه اوقیتوچی و اوقووچیلری واسطهسی بیلن رویخطگه آلیب اولرگه اوز انسانپرور یاردملرینی آلیب بارهدیلر.
شونینگدیک افغان-تورک لیسهلرینینگ یاردمینی آلگن فقرا، بو یاردملرنی دوامیگه تأکید قیلیب باشقه خیریه موسسهلرنی هم افغان-تورک لیسهلریدیک رمضان مبارک آیده انسانپرورلیک یاردم قیلیشلرینی طلب قیلهدیلر.
تورکیه دولتی و خلقینینگ افغانستانده ایریم ناملر بیلن فعالیتی دوام ایتماقده. افغان-تورک لیسهلری قوشیمچه تیکا دفتری و شونگه اوخشش باشقه تورک خصوصی خیریه نهادلر افغانستان قشاق خلقیگه اوز انسانپرولیک یاردملرینی ایریچه و ایریم بولیملرده مساعدت قیلهدیلر.
