جمهور رییسغنینینگ سیلاولر کمیسیونلریگه اصلاحات کیریتیش اوچون صادر قیلگن فرمانی ایکینچی مرتهگه پارلمان اعضالری تامانیدن رد ایتیلدی.
نمایندهلر مجلسینینگ بوگون (دوشنبه) عمومی ییغینی جمهور رییس غنینینگ تقنینی فرمانی تصدیق یا رد ایتیلیشیگه اختصاص لشتیریلگن ایدی.
اوشبو فرمان تصدیق لهنیشی اوچون طرفدار بولگن بیر قنچه وکیللرگه کوره، جمهور رییس غنینینگ فرمانی تصدیق لنمسلیگی مملکت سیلاولر مستقل ادارهلرینینگ اصلاحات، توزیلیش و ظیفهسینی معمالرگه دوچار قیلهدی.
پارلمان اعضاسی فرهاد عظیمینینگ ایتیشیچه، جمهور رییسغنی تقنینی فرمانینی رد قیلگن کیشیلر فرماننینگ متنیدن تولیق خبرلری بولمهگن. او، اوشبو نمایندهلر معین تیورهکلر تامانیدن دیکته بولیشلرینی ایتگن.
عظیمی، مذکور فرمان رد ایتیلیشی پارلمان و حکومت اوچون بدناملیک و اهالینی خواطریگه سبب بوله دیگن.
شونینگدیک پارلماننینگ بو اعضاسی افغانستان خلقی جمهور رییس نینگ فرمانی ملی مجلس تامانیدن تصدیق لهنیشی نی کوته دیلر دیب، فرمان رد ایتیلیشی اهالی ایستهگیگه سلبی جواب بیرییش دیگن.
اما، نمایندهلر مجلسینینگ باشقه بیر قطاری فرمانگه سلبی آواز بیریب ایتیشلریچه، سیلاولر ادارهلریگه اصلاحات کیریتیش اوچون جمهور رییسنینگ صادر قیلگن تقنینی فرمانی مملکت اساسی قانونیگه ضد ایکن لیگینی ایته دیلر.
نمایندهلر مجلسینینگ اعضاسی عبدالقادر زازی، ملی بیرلیک حکومتینینگ رهبرلری اوشبو فرمان ملی مجلس تامانیدن تصدیق لهنیش بیلن سیلاولر کمیسیونلرینی اورته لریده 50 -50 بولیش نیتده لر دیگن.
زازی، جمهور رییسنینگ تقنینی فرمانی پارلمان تامانیدن رد ایتیلیشی بیلن سیلاولر مستقل کمیسیونینی شخص قیلیش اوچون اولگورگن لرگه تیشنی سیندیروچی بیر جواب بولدی دیدی.
بونگه قرهمی، جمهور رییس سوزلاوچیسی محمد هارون چخانسوری جمهور رییسنینگ فرمانی رد ایتیلیشیگه عاید اوتکزیلگن ییغینده ایتیشیچه، حکومت پارلمانی و تومنلر کینگشی سیلاولری اوتکزیلیشی اوچون هیچ قندهی سعی وحرکتدن قالمیدی.
او، حکومت حقوقی ادارهلر بیلن مصلحت قیلگندن سونگ سیلاولرگه اصلاحات کیریتیش جریانیگه دوام بیرهدی دیگن.
غنی عبدلله اورتهسیده امضالنگن سیاسی کیلیشوونینگ مهم مادهلریدن بیری سیلاولر تیزیمیگه اصلاحات کیریتیش ایدی؛ اما، ملی بیرلیک حکومتینینگ عمریدن بیر ییل اوتیشیگه قرهمی، بو مسله هنوز هم حل بولمی قالدی.
