کابل شهری 15- ناحیه یشاوچیلریدن بیرقطارینینگ ایتیشیچه، خالقیار پیوندینینگ سوو ییتکیزیش شرکتی ایچیم سوو تیارلش خصوصیده، هر بیر عایلهدن 15 مینگ افغانی آلگن، بیراق انچه مدتدن مذکور ناحیه یشاوچیلرینینگ سووینی توختهتیب قویگن.
15- ناحیه یشاوچیسی محمد حسیننینگ سلاموطندارگه ایتیشیچه، خالقیار پیوندی سوو ییتکیزیش شرکتی بیلن اوشبو منطقه یشاوچیلرینینگ اورتهسیده قول قوییلگن کیلیشووده، شرکت 10 ییلگچه اولرنینگ ایچیم سووینی تیارلهیدی؛ بیراق بیر ییلدن کیین، نامعلوم دلیل ارا، مذکور شرکت سوو فلکهسینی اولرنینگ یوزیگه یاپگن.
اوشبو منطقه یشاوچیلرینینگ ایتیشیچه، مذکور شرکت سوو فلکهسینی آچیش اوچون، هر بیر عایلهدن 3500 افغانی قوشیمچه پول سورهگن.
محل یشاوچیلریگه کوره، سوو یوقلیگی باعث، بالهلر و عیاللر ایچیم سوو اوچون، اوزاق منطقهلرگه بارهدی. اولرنینگ ایتیشیچه، اوشبو قیینچیلیک ییچیمی اوچون شرکتگه مراجعت قیلگن و هر بار یلغان سوزلر بیلن قیتگن.
عین حالده، خالقیار پیوندی شرکتی باشلیغی جناب نوروزنینگ ایتیشیچه، محیط قیینچیلیگی و سوو قوییلیگی باعث، کابل شهری 15- ناحیه یشاوچیلرینینگ سووی کیسیلگن. جناب نوروزگه کوره، اولر پایتختنی باشقه منطقهلریدن 15- ناحیه یشاوچیلرینینگ سووینی تیارلهیدی، دیمک سوو ییتکیزیش ایشی 50 فایز یکونلنگن.
خالقیار پیوندی سوو ییتکیزیش شرکتی باشلیغینینگ ایتیشیچه، باشقه بیر آیگچه اولر سوو لولهلرینی باغلهیدی و 15- ناحیه یشاوچیلریگه سوو ییتکیزیش جریانی قیتهدن توزهلهدی.
جناب نوروزنینگ کوپهیتیریشیچه، مذکور شرکتدن محل یشاوچیلری 10 میلیون افغانی قرضدار بولگن و بو پول یشاوچیلر تامانیدن تولَّنگن صورتده، تیزلیکده سوو ییتکیزیش جریانی توزهلهدی.
