ساغلیقنی سقلش وزیرلیگی نینگ ایتیشیچه، اوتگن 24 ساعت جریانیده مملکت ده کرونا ویروس دن باشقه 281 ینگی ایجابی واقعه رویخط گه آلینگن.
بوگون «سهشنبه، 23- ثور» کابلده اوتکزیلگن خبری بیر ییغینده ساغلیقنی سقلش وزیرلیگی نینگ ساغلیک خذمتلری بوییچه اورین باسری وحید مجروح نینگ ایتیشیچه، اوتگن 24 ساعت جریانیده رویخط گه آلینگن ینگی واقعهلر شامل مملکت ده کرونا ویروس گه چلینگنلرنینگ سانی 4 مینگ و 963 کیشی گه ییتیشگن.
اونگه کوره، اوتگن بیر کیچه-کوندوز ده کرونا کسللریدن 5 تهسی جان بیرگن و باشقه 36 تهسی قیته ساغهیگنی معلوم قیلینگن.
ساغلیقنی سقلش وزیرلیگی تامانیدن بیریلگن رقم اساسیده، مملکت ده کرونا ویروس گه چلینگن 4 مینگ و 963 کیشی دن حاضرگهقدر 610 تهسی قیته ساغهیگن و باشقه 127 تهسی جان بیرگن.
وحید محروح نینگ کوپهیتیریشیچه، مملکت ده کرونا ویروس گه چلینگنلرنینگ رقمی هر لحظه آشماقده و اهالی ساغلیک توصیهلرینی نظرگه آلمهی و اجتماعی آلیسلیکلرنی رعایت قیلمهگن صورتده، بو ویروس مملکت جمعیتی دن کمیده 80% بولغهشی ممکن.
ایتیش کیرهک کیم، حاضرگهقدر دنیاده 4 میلیون و 255 مینگ دن آرتیق کیشی کرونا ویروس گه چلینگن و بو جمله دن 287 مینگ دن آرتیق کیشی جان بیرگن و باشقه بیر میلیون و 527 مینگ دن آرتیق کیشی قیته ساغهیگن.
