.jpg)
پاکستان افغانستانلیک مهاجر بو مملکتده قالیشی اوچون ینه آلتی آی مهلت بیرگن. حال بوکه ایرته (30- جون/ 10 سرطان) بو مملکتدهگی مهاجرلرنینگ قانونی یشش حجتی نینگ وقتی اوز پایانیگه ییتهدی. بعضی بیر گزارشده پاکستانده افغانستانلیک مهاجرلرنینگ قالیش زمانی دوباره تمدید ایتیلمسلیگی ایتیلهدی.
ایریم گزارشلرده پاکستان حکومتی هر بیر افغانستانلیک مهاجر کونگیلی روشده وطنیگه قیتیشنی ایستهگن حالده، تورت یوز اقش دالری بیریلیشینی ایتگن.
عین حالده، سونگی بیر ییلده افغانستان حکومتی بیلن پاکستاننینگ علاقهسی اونچه یخشی بولمهگن. اما، علاقهنینگ یخشی بولمهگنلیگی بوندن بیر آی الدین تورخم ده ایکی مملکت حربیلری اورتهسیده اوروش گه سبب بولدی. اوشبو موضوع بیر قنچه قیینچلیکدن علاوه، او مملکتدهگی افغانستانلیک قاچقینلرنینگ یشش شرایطی آغیر بولدی.
رسمی حساباتلرده، سونگی وقتلرده پاکستان افغانستانلیک ایکّی مینگ مهاجرنی تورمه گه تشلهگن و 400کیشینی مملکتگه یوبارگن.
.jpg)
قطار تحلیلچیلرگه کوره، افغانستان – پاکستان اورتهسیده قاچقینلر مسالهسینی حل قیلیش اوزاق مدتنی طلب قیلهدی، رسمی اسلام اباد بیلن کابل بو توغریده مذاکره اوتکزیشی کیره ک.
سیاسی تحلیلچی اسحاق اتمرنینگ سلاموطندارگه ایتیشیچه، رسمی اسلام آباد بیلن – کابل نینگ علاقهسی ترهنگلشگن، پاکستان افغانستانلیک مهاجرلرنی باسیم آستیگه آلیش بیلن عقده گشایلیک قیلیشگه سعی وحکت قیلهدی.
اما، خیبر پشتونخواه ایالتینینگ حکومتی بو مملکتده مهاجرلرنینگ قالیش وقتی چوزیلیشیگه جدی مخالفت بیلدیرگن. اوشبو ایالت بوندن بویان بو مملکتده افغانستانلیک مهاجرلر اوچون مکان یوق دیگن.
رسمی حساباتلرده حاضرگی کونده 3 میلیون افغانستانلیک فقرا پاکستانده استقامت قیلهدی. بولرنینگ بیر یریم میلیونی قانونی یشش حجتی گه ایگه.
