افغانستان بوییچه «جاپان تینچلیک طبی خذمتلری» نامیدهگی جاپانیلیک خیریه قوریلمه باشلیغی تیتسو ناکامورا، جاپان ده بولگن تینچ حیاتینی قوییب و افغانستان یشاوچیلری گه خذمت قیلیش اوچون بو مملکت گه کیلگن ایدی.
او، ننگرهار یشاوچیلری گه کوپلب خذمت قیلدی. ناکامورا، کنر سووی نی باشقریش اوچون 11 کانال و سوو توغانی قوردی و اولردن ننگرهارنینگ چول ییرلری سوولنتیریلیشی اوچون فایدهلندی.
شونینگدیک، ناکامورا ننگرهارده 10 ساغلیک مرکز قوردی و اولرده کسللرنی دارولهدی.
او، میلادی 2003- ییلده مروارید کانالی نینگ قوریلیش ایشینی باشلهدی و بو پروژهنی مؤفقیت بیلن یکونلنتیردی.
ننگرهار حاکمی سوزلاوچیسی عطاالله خوگیانی نینگ ایتیشیچه، ناکامورا ینگیلیکده ننگرهار ولایتی نینگ خیوه تومنیده 700 مینگ دالر خرجت کوترهدیگن ایکینچی مروارید کانالی نینگ قوریلیش ایشینی باشلهگن ایکن، بیراق آچمسدن جان بیردی.
ناکامورا، جاری میلادی ییل نینگ اکتوبر آییده انسان دوستلیک ایشلری اوچون جمهور رئیس غنی تامانیدن افغانستان نینگ افتخاری کیملیگی نی آلگن ایدی.
ناکامورا بیلن یقیندن تانیش بولیشگن ننگرهار ولایتی نینگ کوزکنر تومنی یشاوچیلریدن بیرقطاری نینگ ایتیشیچه، ناکامورا افغانستان نینگ اوز اولکهسی توشونر ایکن و هردایم اولرگه مملکتلری قیته قوریلیشی اوچون سهم آلیشلری اوستیگه تأکید قیلر ایکن.
اولرگه کوره، ناکامورا کوزکنر یشاوچیلری نینگ آرهسیده کاکا مراد آتی گه تانیلگن ایکن و هردایم اولرگه قورال اورنی گه تینچلیک اوچون سعی و حرکت قیلیب و تینچلیکده حیات کیچیریشلرینی تکلیف قیلیب کیلگن.
نتیجهده «پیاماس» جاپانیلیک خیریه قوریلمه باشلیغی تیتسو ناکامورا، چهارشنبه کون، جلالآباد شهریده ناتانیش قوراللی کیشیلر تامانیدن هدف گه آلینیب و کسلخانه گه ییتکزیلیشیدن آلدین جان بیرگن.
شونینگدیک، اوتگن کون ننگرهار مدنی فعاللریدن بیرقطاری، بو ولایت اوچون تیتسو ناکامورا تامانیدن بولگن ایشلرگه حرمت قوییشلری خصوصیده، شمع یاغیشیب و اوندن منتدارلیک بیلدیریشگن.
عین دمده، خوست محلی مسؤوللری، بوگون مذکور ولایت مرکزیدهگی تورت یوللردن بیری نینگ تیتسو ناکامورانینگ آتی گه قویگن.
اولرگه کوره، افغانستان بوییچه «جاپان تینچلیک طبی خذمتلری» نامیدهگی جاپانیلیک خیریه قوریلمه باشلیغی تیتسو ناکامورانینگ قیلگن ایشلری و خذمتلری گه حرمت قوییشلری اوچون بو تورت یول نی اونینگ آتی گه قوییشگن.
