کابل شهری نینگ دارالامان سرایی ده کرونا کسللری اوچون 200 یاتاقلی بیر مرکز آچیلدی.
بوگون (شنبه 30- حمل) ساغلیک وزیری فیروزالدین فیروز مذکور مرکز نی آچیش چاغیده ایتیشیچه، کرونا کسللری اوچون مملکت بویلب 100 مینگ یاتاقلی مرکزلر آچیلیشی گه قرار قیلینگن.
اونگه کوره، مذکور مرکزلر جهازلنگن کسلخانهلر ایمس دیر و بو مرکزلرده ساغلیک ایشلاوچیلری کرونا گه چلینگن کسللرگه خدمت قیلیشهدی.
ساغلیک وزیری گه کوره، اویلرده قرنطین قیلیش امکانیتی بولمهگن کیشیلر مذکور مرکزلرده سقلنهدی.
شونینگدیک ساغلیک وزیرلیگی مسئوللری، کرونا کسللریگه خدمت قیلیش اوچون کوپینچه ایشلاوچی ایش گه آلینیشیدن خبر بیریب ایتیشلریچه، ساغلیک ایشلاوچیلری نینگ 50 فایزی مذکور وزیرلیککه تیگیشلی دیر و باشقهلری ایسه مذکور وزیرلیکدن تشقی ایش گه آلینیشی ممکن.
مملکتده کرونا ویروسی گه چلینگنلر رقمی 933 کیشی گه ییتیشگن. حاضرگچه 112 کیشی دارولنگن و باشقه 30 کیشی جان بیرگن. ساغلیک وزیرلیگی دارولنگنلرنینگ 12 فایز و هلاک بولگنلرنینگ 3.2 فایز دیدی.
