فرخنده قتلینینگ تیکشیرگن محکمه قاضیسی صفیالله مجدیگه کوره، مذکور قضیهده عدالت کوزگه توتیلمهدی دیگن ادعالرنی رد قیلیب، فرخنده قتلیگه قولی بولگن شخصلر جزالهش خصوصیده محکمه حکمی عدالتلی بولگن.
شونینگدیک، بیرقطار ایش بیلرمانلر فرخنده قتلیگه عیبلنگن شخصلر توغری سیده چیقاریلگن حکمنی نا عادلانه بیلگنلر.
فرخندهنینگ ایناغهسی میدیالردن بیریگه سوزگه چیقیش قیلیب، مذکور محکمه حکمیدن ناراضلیک کورستگن.
صفیالله مجددینینگ ایتیشیچه، عیبلنگن شخصلردن 18 ته سیگه قرشی هیچ بیر دلیل قولده یوقلیگی دلیل، مذکور محکمه اولرنی گناهسیز اثباتلهگن.
مجددیگه کوره، باشقرلاوچیلیک اداره سی تامانیدن عیبلنگنلر، مدافعه وکیللر حضوری و قضایی هیأت نصابی تورتله عنصر محکمه عادللیگینی کورستکن. بو موضوع هم محکمه تشکیل ایتیلیشیگه کوزگه توتیلگن.
کابل دستلبکی محکمه قاضی سینینگ میدیالرگه ایتیشیچه، گناهسیز تانیلگن 18 کیشی توغری سیده کریمنال تخنیک هم تیکشیرگن نتیجهده اوشبو 18 کیشی گناهسیز تانیلگنلر.
فرخنده قتلیگه عیبلنگنلردن 4 تهسی اعدام بولهدی
فرخندهنینگ قتلیگه 49 کیشی عیبلنگن اولرنی ایچیدن 4 تهسیگه اعدام حکمی چیقاریلدی و باشقه 8 ته سیگه 16 ییللیک قماق حکمی بیریلدی. شونینگدیک اوشبو محکمه باشقه 18 ته سینی گناهسیز تانیب قوییب یوباردی.
مجددیگه کوره، اوستلریگه حکم چیقاریلگن شخصلر استیناف طلب قیله آلهدیلر.
شونینگدیک فرخندهنینگ قتلیگه 19 پولیس مذکور قضیه خصوصیده دقت سیزلیکه عیبلنگن ایدی. فرخندهنینگ قتلینی تیکشیروچی محکمه، مذکور 19 پولیس توغری سیده حکم چیقارمهگن.
بو پولیسلر توغری سیده مذکور محکمه تمانیدن حکم چیقاریلیشی کوتیلردی، اما حاضرگه قدر محکمه حکمی اعلام بولمهگن. ولی تیزلیکده حکم چیقاریشگه سوزبیرگن.
فرخندهنینگ عایله اعضاسی و مدنی فعاللر فرخنده قتلیگه قولی بولگن قاچیب کیتگن شخصلرنی توتقونگه آلینیشلرینی سورهگنلر.
27 یاشیده بولگن فرخنده 1394 نچی ییل، ایکی کون ینگی ییلگه قالگنده، قرآنکریمنی الوبیریشگه عیبلهنیب کابل شاه دوشمشیره منطقه سیده غضبلنگن شخصلر تمانیدن اولدیریلیب جسدینی الوبیردیلر.
