.jpg)
بلخ ولایتی نینگ اهالیسی ولایتده حربی کییملر ساتیلیش آلدی آلینیشی اوچون حکومتدن جدی چاره تدبیر کوریشنی سورهگنلر.
اما، حربی کییملردن مُد صفتیده فایدهلنهدیگن یاشلر بو ایش نینگ کیلهجکده سلبی خطرلریدن خبر سیزلر.
حربی لباس کییب آلگن یاشلردن بیری اجمل. حکومت تامانیدن هیچ قندهی توسیق بولمهگن لیگی سبب آسانلیک بیلن بوندهی حربی کییملرنی تاپیب کییش قولی ایکن لیگینی ایتهدی اجمل. اونینگ سوزلریگه کوره: « حربی کییم کیگن بولسم وجودیمگه نسبتن بیر قسم غرور سیزهمن».
بلخ ولایتیده حربی کییم ساته دیگن دکاندارلر بو ایشدن راضی ایکنلیکلری کورینهدی. اولر ملی پولیس و ملی اردو حربیلریگه کییم تیارلشنی تیلگه آلهدی.
.jpg)
بلخ پولیس قوماندانی عبدالرزاق قادری نینگ ایتیشیچه، حربی کییمنی بازارده ساتیش اوچون تیگیشلی ادارهلردن رسمی حجتی بولمهگن شخصلر بیلن قانون یوزهسیدن یانده شیلهدی دیگن. اونگه کوره، هیچ بیر کیشیگه حربی لباسلرنی ناقانونی ساتیش اوچون رخصت بیریلمس لیگینی بیلدیرگن.
حربی کییم بازارده ایرکین ساتیلیشی اوچون حکومت جدی اعتبار قرهتمهگنی مملکتده قضایی و جنائی جرملر میزانی آشیشیگه سبب بولگن.
بوندن آلدینلر ترورچی گروهلر افغان ملی کوچلر حربی کییمینی سوء استعمال قیلیب خودکش هجوملر صادر قیلیب کیلگن.
