_Copy1.jpg)
هلمند ولایتی خانشین و گرمسیر تومنلرینینگ یشاووچیلری، نیچه آیدن بیری پولیس لباسیده بولگن قوراللی شخصلر لشکرگاه و اوشبو ولسواللیکلر عمومی یولیده اوغیرلیک قیلهدی دیگنلر.
بوگون (چهارشنبه) بو ایکّی تومننینگ اونلب اهالیسی هلمند مدنی جماعهچیلیک ادارهسیگه کیلیب، مذکور تومنلرنینگ عمومی یولیده اوغیرلیک میزانی آشگنلیگی حقیده آگاهلنتیرگنلر. اولر، حکومت مساله اوچون بی فرق یاندهشگن حالده، اوزلری ایش کوریشلرینی ایتگنلر.
اهالی، اوتگن کون یولاووچیسی بولگن 8 ته موتر پولیس کییمیده بولگن قوراللی شخصلر تامانیدن تالان ایتیلگن دیگنلر.
خانشین و گرمسیر تومن یشاووچیلری بیلن مدنی جماعهچیلیک ادارهسیگه بارگن بیر قنچه موتر هیداوچیلری، لشکرگاه – خانشین تومنلری یولیده اوغیرلیک میزانی آشگنلیگی باعث بو یولدن باریب کیله آلمسلیکلرینی تیلگه آلگنلر.
هلمند مدنی جماعهچیلیک ادارهسینینگ باشلیغی سردارمحمد همدرد، خلقنینگ بو توغریدهگی قیینچلیگی نی ولایت بلند مرتبهلی رسمیلری بیلن اورتهگه قوییشنی ایتگن.
_Copy1.jpg)
او، ملی کوچلر بو توغریده فعالیت آلیب باریشی بیلن مذکور یولده اوغیرلیک آلدی آلینیشیگه امید بیلدیرگن.
اونینگ سوزلریگه کوره، اوغیرلیک حاللری کوپینچه دولت ادارهسی آستیده بولگن منطقهلرده یوز بیره دی و بو معما ایسه محلی حکومت کوچسیزلیگیدن کیلیب چیقهدی.
شونینگدیک جناب همدرد، عمومی یوللردهگی اوغیرلیکلرگه پایان بیریلمهگن حالده، اهالی بیلن دولت اورتهسیدهگی فاصله بوندن هم کوپهیشی امکاندن اوزاق ایمس دیگن.
گرمسیر تومنینینگ پولیس قوماندانی جانآغا داوری نینگ سلاموطندارگه ایتیشیچه، لشکرگاه – گرمسیر و خانشین تومنلری عمومی یولی امنیتی تامین قیلینیشی اوچون ملی اردو کوچلری بیلن هماهنگلیکده فعالیت قیلینهدی.
قوماندان، بو منطقه مارجه تومنیگه قرهشلی ایکن لیگیگه قرهمی، لیکن امنیتنی تامین قیلیش اوچون تیار ایکن لیگینی اظهار قیلگن.
خانشین تومنینینگ یشاووچیلری، سونگی وقتلرده مذکور تومننینگ عمومی یول وضعیتی بوزیلگن لیگی همده قطار منطقهلر طالبان اشغالیگه اوتگن بیر پیتده بو توغریده خواطر بیلدیریشماقدهلر.
