غزنی یشاوچیلریدن بیرقطاری، مذکور ولایتده یوز بیرگن جاری وضعیت توغریسیده حکومتنی دقتسیزلیککه عیبلب و بوگون توشدن آلدین، کابل شهری عیدگاه سرکیده ناراضیلیککه قول اورگنلر.
اعتراضچیلرنینگ ایتیشیچه، غزنیده «چیدهلمس مصیبت» دوام ایتماقده و حکومت ایسه تینچ توریب مصیبتنی ایزلهیدی. اوشبو اعتراضچیلرگه کوره، غزنی ولایتده نهفقط اوروش و قان توکیش، بلکیم ییگولیک آذیق-اوقت و دارو یوقلیگی اهالیدن قربانلیک آلهدی و کیمسه اولرنینگ سیسلرینی ایشیتمهیدی.
اعتراضچیلردن ایکی کیشی عنایت ناصری و سلمانعلی صادقینینگ ایتیشیچه، بو وضعیت دوام ایتگن صورتده، یشاوچیلر حکومت گه قرشی نفرتلنهدی؛ چونکه حاضرگهقدر برچه حکومتدن اولرنینگ حیاتی و خوفسیزلیکلریگه دقت قیلیشینی کوتردی، لیکن بوندهی بولمهدی.
اعتراضچیلرنینگ ایتیشیچه، حکومت اولرنینگ ایستکلریگه قولاق سالمهگن صورتده، کابل شهرینینگ ایریم منطقهلریده یوزلرچه تحصن خیمه قورهدیلر.
اوتگن جمعه کونی (19- اسد) غزنی شهری نیچه تاماندن طالبان گروهینینگ هجومی گه دوچ کیلدی و تورت کوندن بویان، مذکور ولایتده امنیتی کوچلر و طالبلر آرهسیده قتیق اوروش دوام ایتماقده.
