افغانستانده سوز ایرکینلیگیدن حمایت قیلووچی اداره یا-ده (نی) تشکیلاتی مسؤوللرینینگ ایتیشیچه، تینچلیک سوزلشوولریده سوز ایرکینلیگی و میدیالرنینگ یوتوقلری قربان بولمهسی کیرهک.
بوگون «دوشنبه» کابلده خبری بیر ییغین اوتکزگن افغانستانده سوز ایرکینلیگیدن حمایت قیلووچی اداره یا-ده (نی) تشکیلاتینی اجراییه باشلیغی عبدالمجیب خلوتگرنینگ ایتیشیچه، حاضرگهقدر افغانستان دولتی، طالبان گروهی و افغانستان تینچلیک لایحهسی بوییچه آمریکانینگ خاص نمایندهسی آرهسیده اوتکزیلگن تینچلیک سوزلشوولریده سوز ایرکینلیگی بحثگه آلینمهگن
جناب خلوتگرگه کوره، بو سوزلشوولرده سوز ایرکینلیگی و میدیالرنینگ یوتوقلری نظرگه آلینمهگن. نی تشکیلاتینی اجراییه باشلیغینینگ ایتیشیچه، میدیالرنینگ ایرکینلیگی نظرگه آلینمهیدیگن تینچلیکنی اولر قبول قیلمهیدی.
.jpg)
عینحالده، افغانستانده سوز ایرکینلیگیدن حمایت قیلووچی اداره یا-ده (نی) تشکیلاتینینگ بیر خبرنامه آرقهلی ایتیشیچه، میدیالرنینگ تینچلیک لایحهسی جزئیاتگه قول تاپیشی کیرهک.
خبرنامه گه کوره، ژورنالیستلرگه قرشی زورهوانلیکلر و قتللرگه عیبلنگن کیشیلر جزالنتیریلیشی کیرهک و اوروش طرفلرینی بو توغریده دقت قیلیشی کیرهک.
شونینگدیک، مملکت جمهور رئیسی محمداشرف غنینینگ ایتیشیچه، ایریم موضوعلر جملهدن یشاوچیلرنینگ اساسی حقوقی تینچلیک سوزلشوولریده بحثگه آلینمهیدی. طالبان گروهی ارا تینچلیک سوزلشوولری شدتلنگنیدن سونگ، بیر یریم دهه یوتوقلری تهدیدگه دوچ کیلیشی خصوصیده، یشاوچیلرنینگ خواطری کوپهیگن؛ حکومت ایسه بو یوتوقلرنی قیزیل چیزیق دیگن.
