فاریاب لایتی نینگ محلی بلند مرتبهلی مسوللری، قوراللی طالبلر اوتگن کیچه ولایت نینگ پشتونکوت تومنیده قیزلرنینگ بیر مکتبینی اوتگه یاندیریب کیتگنلر دیدیلر.
حادثهنی تصدیق ایتگن فاریاب والیسی سیدانور سادات، طالبان تامانیدن آگاهلنتیریلگن لیگینی بیلدیرگن. قوراللی طالبلرنینگ سرحوض منطقهسیده ملی کوچلر آرقهلی قورشادن آزاد بولمهگن حالده، برق لینلرینی کیسیشدن تارتیب عمومی یوللرنی توسیشلری بارهسیده آگاهلنتیرگنلر دیگن سادات.
اونینگ ایتیشیچه، قوراللی طالبلر اوتگن کیچه قیزلرنینگ مذکور مکتبینی اوتگه یاندیریش بیلن اورگهتیش و اورگهنیش نینگ دشمنی ایکنلیکلرینی ینه بیر بار اثباتلهدیلر.
ولایت والیسی جنگری طالبان عاموی تاسیسات مرکزلرینی بوزیشدن قول کوتارمهگن حالده، قوراللی طالبلرنینگ کنترولیده بولگن بوتون مکتبلر و طبیات مرکزلرینی باغلشلری حقیده آگاهلنتیرگن.
فاریاب معارف ادارهسی نینگ معارف ریاستی باشلیغی غلامسخی بیان، 26درس صفنی بولگن خواجه موسیده جایلشگن قیزلرنینگ مذکور مکتبده 1560 اوقووچی درس بیلن شغللهنیب کیلگن دیدی. او، بوندهی شرایطده مکتبنی اوتگه یاندیریب کویدیریش ییریک جفا دیگن بیان.
مکتب نینگ قوریقچیلری کیچه بیش کیشیدن عبارت قوراللی طالبلر بشکهلرگه جایلشتیریلگن نفتی مادهلر بیلن مکتبگه کیریب بو تعلیمی درگاه نی یاندیریب یوبارگنلر دیگن.
طالبان هنوزگچه بو توغریده بیرار نرسه دیمهگن.
پشکونکوت تومنیگه قرهشلی خواجه موسی منطقهسی طالبان تصروفیده بولگن نا برقرار حدودلردن حسابلنهدی.
