پکتیا ولایتینینگ احمدآباد تومنی یشاوچیلریدن قطاری، اوشبو ولایت برق لینی وصل ایتیلمهگنی باعث، گردیز-پتان قتناو یولی نی باغلهگنلر.
تورت آی آلدین تاجیکستاندن کیلهدیگن برق لینی گردیز مرکزیده وصل بولدی و حاضر ولایت یشاوچیلریدن یالغیز 20 فایزی مذکور برقدن فایده لنهدی.
اعتراضچیلرنینگ ایتیشیچه، اوتگن 17 ییل ایچیده حکومت رسمیلری کمپاینلری جریانیده مچلغو برق توغانینینگ فعال ایتیلیشیدن سوزبیرگن، بیراق اولر حاضرگه قدر وعدهلرینی عمل گه آشیرمهگن.
بیراق پکتیا حاکمی سوزلاوچیسی عبدالله حسرتنینگ ایتیشیچه، مچلغو برق توغانینینگ قوریش ایشی جدی شکلده دوام ایتماقده. حسرت جنابلری تاجیکستاندن کیلهدیگن برقنینگ توغریسیده ایتیشیچه، حاضر پکتیا مرکزیده برق ییتکزیش اوچون سعی و حرکتلرنی دوامی بار و تیزلیکده احمدآباد تومنیده برق ییتیب باریشی ممکن.
پکتیانینگ مچلغوی برق توغانی نی تیکشیریش یانیده، احمدخیل و سمکنی برق توغانینینگ تیکشیریلیشی توغریسیده حکومت تامانیدن سوز بیریلگن، بیراق اولرنینگ عملی ایشی حاضرگچه باشلنمهگن.
