سرپل ولایتیده اوچ کیشی 12 یاشر بیر باله‌نی جنسی زورلب و اوندن سونگ، اولدیریب و جسدی گه تیزاب توککن.
سلام‌وطندارگه صحبت بیرگن سرپل پولیس قومندانی عبدالقیوم باقیزوی‌نینگ ایتیشیچه، مذکور باله‌نینگ آتی عبدالبشیر ایکن و جسدی اوتگن کون بیر خرابه‌دن تاپیلگن.
سرپل پولیس قومندانی گه کوره، اوشبو واقعه سببی عایله‌وی خصومت‌لر بولگن.
جناب باقیزوی‌نینگ ایتیشیچه، جنایتچی‌لر پولیس تامانیدن قولگه آلینگن و جرم‌لرینی تَن آلگن.
شونینگدیک، نیچه کون آلدین، ایران‌نینگ اصفهان شهریده بهاره آتلی افغانستانلیک بیر قیز گروهی شکلده جنسی زورلنگن ایدی. مذکور قیز باله اوینه‌ب تورگن چاغیده، اویلرینی اونگیدن اوغیرلنگن و ساعت اوتگنیدن سونگ، یریم جانلی جسدی بیر خرابه دن تاپیلگن.
اوتگن کون افغانستان حکومتی بو واقعه گه عکس‌العمل بیلدیریب قضیه جدی شکلده تیکشیریلیشی و عامل‌لری قولگه آلیب و جزالنیشی‌نی سوره‌گن.
