مملکت جنوبی ده ساغلیک مسئوللری، پولیو ویروسی نینگ ۵ ایجابی واقعهسی قید ایتیلگنیدن خبر بیریشگن.
مملکت جنوب – غرب حوزهسیده پولیو نینگ عاجل واقعهلرینی عملیاتی دفتری اورینباسری داکتر محمد صدیق نینگ سلاموطندارگه ایتیشیچه، پولیو ویروسی نینگ ۳ ایجابی واقعهسی قندهار ولایتی نینگ دند، پنجوایی و ژیری تومنلریده قید ایتیلگن.
اونگه کوره، باشقه ایکی واقعه هلمند ولایتی نینگ «باغران» تومنی و ارزگان ولایتی نینگ «شهید حساس» تومنلریده قید ایتیلگن.
پولیو نینگ عاجل واقعهلرینی عملیاتی دفتری مسئوللری، مذکور ویروس نینگ ایجابی واقعهلری کوپهیشی گه طالبان نظارتی گه بولگن منطقهلرده واکسین تطبیق ایتیلمهگنی دیگنلر.
افغانستان پولیو نینگ ایجابی واقعهلری قید ایتیلگن بیرحالده، اوتگن کون بیرلشگن ملتلر تشکیلاتی نینگ بالهلردن حمایت قیلووچی ادارهسی یا-ده یونیسف بیرخبرنامه آرقهلی اعلان قیلیشیچه، افغانستان و پاکستان ده پولیوگه قرشی واکسین کمپاینی قیتهدن باشلنگن. اوشبو تشکیلات نینگ ایتیشیچه، کرونا ویروسی باعث، بو ایکی مملکتده 50 میلیون باله اوشبو واکسین دن محروم قالگن ایدی.
اوتگن کون "سهشنبه" یونیسف بیر خبرنامه آرقهلی ایتیشیچه، افغانستان نینگ 3 ولایتیده پولیوگه قرشی ایملش کمپاینی جولای آییده قیتهدن باشلندی و ایکینچی کمپاینی جاری میلادی ییلده باشلنهدی.
خبرنامهده جنوبی آسیا بوییچه یونسیف نینگ منطقهوی باشلیغی جین گوف دن نقل قیلینیب یازیلیشیچه: «حیاتنی قوتقرووچی ایملشلر اونملی دیر. دنیا یشاوچیلری بیلهدیلر کیم ویروس چیگره تانیمهیدی. بوتون بالهلر مصئون بولمهگن صورتده، هیچبیر باله مصئون بولمهیدی.»
بالهلرنی واکسین قیلیش کمپاینی 2020- ییل مارچ آیده کرونا ویروسی باعث، افغانستان و پاکستان ده توختهتیلگن ایدی.
یونیسف نینگ ایتیشیچه، اوشبو پیتده افغانستانده 34 ناگرانلیک واقعه و پاکستان ده 63 ناگرانلیک واقعه قید ایتیلگن.
خبرنامهده کوپهیتیریلیشیچه، افغانستان نینگ قطار منطقهلریده اویمهاوی واکسین قیلیش ناممکن دیر و 1 میلیون بالهنی اوشبو ایملشدن محروم قالیشلری ممکن. اوشبو تشکیلات عایلهلردن بالهلرنی واکسین قیلیش اوچون ساغلیک مرکزلرگه آلیب باریشلرینی سورهگن.
پولیو یوقمه، ناگران قیلیووچی و اولدیرووچی کسللیکلردن بیری دیر و ایملش آرقهلی، اوشبو کسللیککه توسیق بولیش احتمالی بار.
