17 یاشر مینگبیبی، قیینآتهسی ایکّی مرته اویقونی داروسی کیلتیریب بیریب سونگ جنسی تجاوز قیلگن لیگینی ایتهدی.
بو عیال نینگ حکایه قیلیشیچه، تورموش اورتاغی خالالدین بیلن هم اویلهنیشی عین قضیهدن کیلیب چیققن. « خالالدین بوندن ایکّی آی آلدین جنسی تجاوز قیلگن ایدی. عالی محکمهگه مراجعه قیلیشیم بیلن محکمه مینی خالالدینگه نکاح قیلیب بیرگندن سونگ قیینآتمنینگ اوییگه» کیلدیم دیدی مینگ بیبی.
حادثه تخار ولایتی چال تومنی نینگ زمبورک قیشلاغیده یوز بیرگن. بو یاش خاتین تورمش اورتاغی حاضر حبسگه آلینگن. اونینگ ایناغهسی اولدیریش اوچون قصد قیلگن. اونینگ آگاهلنتیریشیچه، جانی امنیتی تامین ایتیلمهگن حالده ایناغهسی آرقهلی اولدیریلیشی ممکن.
تخار ولایتی نینگ امنیه قوماندانی فقیر محمد جوزجانی مذکور یاش خاتین بوگون ایرتلب ولایت قوماندانلیگیگه باش اوریب قیین آتهسی جنسی تجاوز قیلگن لیگیدن شکایت ایتگن دیدی.
جوزجانی، مینگ بیبی نینگ قیینآتهسی طاهرنینگ عیبی هنوزگچه اثباتلنمهگن دیدی. او بو خصوصده تیکشیرو باشلنگن دیدی.
تخار امنیه قوماندانی مساله حل بولیشی اوچون منطقه قوم بویوکلری واسطه چیلیککه باشلهگن دیگن.
تخار ولایتی خاتین قیزلر ادارهسی نینگ باشلیغی رزم آرا حواش بو عیال نینگ جانی امنیتی بارهسیده تشویش بیلدیرگن. او، امنیتی ادارهلردن مینگ بیبی تخار ولایتی نینگ مرکزی تالقانگه آلیب باریلیشنی سورهگن.
