.JPG)
غزنی پولیس قوماندانی جنرال امینالله امرخیلنینگ سلاموطندارگه بوگون ایرتلب ساعت 7:30 دقیقهده مُقر تومنینینگ لرلم قیشلاغی یقینیده 303 تیپلی یولاووچی تاشیوچی بیر موتر تانکر رسوملی موتر بیلن توقنشگنی عاقبتیده 14 کیشی قربان بولگن لیگی بارهسیده خبر بیرگن. ایتیلیشیچه، یولاوچیلردن 60 تهسی یینگل و آغیر یرهلنگن.
جناب امرخیلنینگ سوزلریگه کوره، یاقیلغی ماده تاشیوچی موتر اوتگه یانیب کیتگنی سبب برچه یولاوچیلری اوت النگهسیده کویگن.
اما، ُمقر تومنینینگ سرپرستی جناب وحیدالله نینگ سوزلریگه کوره، ایکّی موترده هم جمله 110 کیشی یولاوچیسی بولگن. او، کوچلی احتمال بیلن یولاوچیلرنینگ 50 تهسی جابجا هلاک بولگن لیکلری ممکن دیگن. ولسوال ینه قربانلر و یرهلنگنلر سانی بوندن هم کوره آرتیشی انیق دیگن.
مقر تومنینینگ پولیس کوچلری قربانلرنی قوتقیزیش اوچون واقعه ییریگه بارگنلر. غزنی شفاخانهسینینگ مسووللریدن بیری صفیالله هنوزگچه حادثه ییریدن 20 نفر آلیب کیلینگن لیگینی بیلدیرگن.
بیراق، جراحت آلگنلرنینگ احوال یخشی ایمس لیگی ایتیلهدی. شونینگدیک یاقیلغی ماده تاشیوچی موترده اوتگه یانگنلرنینگ کوییشی کم ایمس لیگی بیلدیریبلگن. کویگنلر تیزلیکده کابلدهگی کوییشنی دوالش شفاخانهسیگه ییتکزیلیشی کوتیلهدی.
