.jpg)
عزیزه: 14 یاشر بولگنیمده ایرتهلردن بیریده اویقودن چوچیدیم و قولیمنی پنتلونومگه تیگدیردیم. اویقوم حقیقی چیقدی؛ هول بولگن ایکن. اوزیمگه ایتدیم: خدایا اوتگن کیچه مین سوو ایچگنیم یوق!
تیزلیکده تشناب باردیم و کوردیم وضعیت جوده هم قیغولی؛ بیل دن قویی قانگه باتگن ایکن. هیچ بیر ایش قیلیشیمنی بیلمس ایدیم. اویلهدیم که قتیق کسل بولگنیم سبب، قان توکیلگن. یالغیز یمان واقعه یوز بیرگنینی بیلدیم.
مین یالغیز قیز ایدیم و بو مینینگ بخت سیزلیگیمدن بیری ایدی. آنمنینگ آلدیگه باریب وضعیتنی بوتونلهی اونگه ایتدیم. عین حالده، اوستیمگه نیمه کیلگنینی بیلیب، ای باشینگگه توپراق؛ یورهگینگ ایر ایستهگن بوندهی بولیب سن دیدی. نیچه مرته یمان سوکیب و بو کسللیک بیلن نیمه ایش قیلیشیم توغریسیده حتی بیر سوز هم ایتمهدی.
کسلیم آغیر بولیب و بوتون جانیم آغری ماققه باشلهدی. باشقه بیر تاماندن گناه حسی بوتون وجودمنی قمراوگه آلدی و اوزیمدن نفرتلندیم. آنم جوده راحتسیز ایدی و مین بیلن گپیرمسدی.
.jpg)
درمان سیز بولیب و نیمه ایش قیلیشیمنی بیلمس ایدی. نیچه کون مکتب بارمهدیم؛ اولتیریب ییغلهدیم. آیاغیمنی کوچی کیتدی و بیر قدم باسیشگه کوچ قالمهدی. برچهدن قورقیب و اوستیمگه نیمه کیلگنینی برچه بیلیشینی توشونردیم. نیچه مرته الله دن اولیم سورهدیم. اوزیمنی ییب و حددن تشقری قیغولنگنیم سبب، 5 ییلگچه حیض کورمهدیم.
اوچ ییل خرسند و راضی ایدیم؛ بیراق بیلیم یورتگه یول تاپگنیمدن سونگ، قیتهدن تشویش و خواطر آرقمدن توشدی. بیراق، بو توغریده ینه هیچ کیمگه بیر نرسه دیمهسیم اوچون آنت ایچدیم؛ حتا یقین دوستلریم گه هم.
نتیجهده و 5 ییلدن سونگ، نشانلنگن کیچه قیتهدن حیض کوردیم؛ بیراق بو مرته کیمسه گه بیر نرسه دیمهدیم.
