افغانستان سیلاولرنی نظارت قیلیوچی اداره " ایوا" مسووللری، سیلاولرگه اصلاحات کیریتیش عملی بولمهگنلیگی، مدنی ادارهلر و افغانستانلیکلرنی پارلمان و ولسواللیک کینگشی سیلاولری اوتکزیلیشی اوچون ایشانچ لرینی قولدن بیرگنلر دیگن.
بو ادارهنینگ اعضاسی شاهمحمومل نینگ بوگون (چهارشنبه) کابلده اوتکزیلگن خبری بیر ییغینده سیلاولرگه اصلاحات کیریتیش عملی ایتیلمهگن لیگیدن خواطر بیلدیریب ایتیشیچه، سیلاولرگه اصلاحات کیریتیش اوچون جمهور رییسنینگ تقنینی فرمانی و سیلاولرنی اوتکزیش آرتیده قالدیریلگنی بوتون اهالی سیلاولرگه نسبتن ایشانچلرینی قولدن بیرگن لیکلری باعث بولگن.
اونینگ سوزلریگه قرهگنده، جمهور رییسنینگ بو توغریده صادر قیلگنی تقنینی فرمانی کیلگوسی ایکّی هفته ایچیده ملی مجلس کون ترتیبیگه آلینهدی.
شونینگدیک جناب مل، ملی مجلس اعضالریدن جمهور رییسغنی نینگ تقنینی فرمانی تقدیری بارهسیده قرار قبول قیلیب، اهالینی کیلهجک سیلاولر بارهسیدهگی خواطرینی پایان بیریشلرینی طلب قیلگن.
سیلاولرنی نظارت قیلیوچی ادارهنینگ مذکور اعضاسی، تنلاو کمیتهسیدن سیلاولر کمیشنرلری طرفسیزلیک بیلن تنلشلرینی سورهگن.
بو ادارهنینگ مسووللری، سیلاولر یولیدهگی موجود قیینچیلیکلر برطرف ایتیلیشی اوچون حکومت جدی تدبیر آلمهگن تقدیرده، افغانستانلیکلرنینگ کتِه قسمی کیلگوسی سیلاولرده اشتراک قیلمس لیگینی معلوم قیلگنلر.
غنی و عبدالله رهبرلیگیده تشکیل ایتیلگن ملی بیرلیک حکومتینینگ سیاسی شرطنامهلریدهگی مادهلریدن بیری سیلاولر تیزیمیگه اصلاحات کیریتیش بولگن ایدی؛ اما، ملی بیرلیک حکومتینینگ عمریدن بیر یریم ییل اوتیشیگه قرهمی، هنوز هم بو مساله باشی بیریک کوچهده ایلهنیب قالگن.
