ایچکی ایشلر وزیرلیگی رسمیلرینینگ ایتیشیچه، اوتگن 10 کون جریانیده کابل هوا قونالغهسیدن 15 کیشی مخدره ماده قاچاقیگه عیبلنیب قولگه آلینگن.
ایچکی ایشلر وزیرلیگینینگ مخدره مادهگه قرشی کورهش اورین باسرلیگی مطبوعات مسؤولی سیدمهدی کاظمینینگ سلاموطندارگه ایتیشیچه، اوتگن 10 کون جریانیده 15 کیشی 6 کیلوگرام هیروییننی حامدکرزی هوا قونالغهسیدن اوتکزیشگه عیبلنیب توتقونگه آلینگن.
جناب کاظمیگه کوره، مذکور اداره مخدره ماده قاچاقی آلدی آلینیشی خصوصیده جدی شکلده تدبیر آلگن.
اونگه کوره، قولگه کیریتگن کشفی معلوماتلریگه قرهگنده، کابل هوا قونالغهسیدن قاچاق بولهدیگن مخدره مادهنی 95% هندگه و 5% باشقه مملکتلرگه کیتهدی.
شونینگدیک، مخدره مادهگه قرشی کورهش وزیرلیگی سوزلاوچیسی محمد حنیف دانشیارنینگ ایتیشیچه، اوتگن ییلگه نسبتَن بو ییل ناتینچلیک میزانی آشگنی باعث، مخدره ماده ایکینی و قاچاقی هم کوپهیگن.
جناب دانشیارگه کوره، بلخ ولایتینینگ ایکی تومنی شامل هلمند، ارزگان، فاریاب، قندهار و ننگرهار ولایتلریده مخدره ماده ایکینینی میزانی آشگن.
مخدره مادهگه قرشی کورهش وزیرلیگی رسمیلرینینگ ایتیشیچه، قوشنی مملکتلر مخدره مادهگه قرشی کورهش منطقه ییغینیده بیرگن سوزلریگه عمل قیلمهگنلر و بو مملکتلر حاضرگهقدر مخدره ماده اوچون تینچ ترانزیتی یول دیر.
