.jpg)
14 نوامبر خلق ارا دیابت کسللیگی ایامی بیلن ماس کیلگن و انهشو سبب بوگون "پنجشنبه" هرات ولایتی بوییچه ساغلیقنی سقلش ریاستی هرات شهریده یوریش کمپاینینی یولگه قوییگن.
اوشبو اداره مسووللرنینگ ایتیشیچه، حاضرده بو ولایتده 17 مینگ کیشی دیابت(شکر) کسللیگیگه چالینگن.
هرات ولایتی بوییچه ساغلیقنی سقلش ریاستی نینگ دیابت کسللیگی بولیمی باشلیغی دکتراحمدضیا محتسبزاده اوشبو کسللیک کوپهیشیدن خواطر بیلدیریب ایتیشیچه، بو کسللیککه قرشی کورهش اوچون یوریش و مناسب شکلده آوقاتلنیش اساسی یول دیر.
.jpg)
او هرات یشاوچیلری اینقسه دیابت کسللیگیگه چالینگن کیشیلردن بو کسللیککه توسیق بولیش اوچون هرکون کمیده یریم ساعت یوریشلرینی سورهگن.
مملکت غرب حوزهسیده داکترلر انجمنی نینگ باشلیغی دکترشمسالحق سلیم نینگ ایتیشیچه، حیات مدرنلیگی، ینگی واسطهلردن فایدهلنیش و کوندهلیک فعالیتلرده تحرک بولمهگنی دیابت کسللیگی نینگ کوپهیشیگه سبب بولگن.
خلق ارا ارقاملریگه کوره، حاضرده دنیا بوییچه 425 میلیون کیشی دیابت کسللیگیگه چالینگن و ساغلیق مسووللرگه کوره، اوشبو رقم نینگ 2035- ییل گهقدر ایکی برابر بولیشی ممکن.
