دایکندی ولایتی بوییچه معارف ریاستی مسووللری نینگ ایتیشیچه، کرونا ویروسیگه چلینگنلرنینگ سانی کوپهیگنیدن سونگ، اوشبو ولایت اوقیتووچیلریدن 2700 تهسی بو ویروسیگه قرشی قوزغلان قیلگن.
دایکندی ولایتی بوییچه معارف ریاستی باشلیغی رحمتالله سیرت نینگ سلاموطندارگه ایتیشیچه، اوشبو رقم اوقیتووچیلر مکتبلرده باریب اوقووچیلر و یشاوچیلرگه کرونا ویروسی خصوصیده معلومات بیرهدیلر.
مذکور اوقیتووچیلر حاضرگهقدر 70 مینگدن آرتیق کیشیگه کرونا ویرسی و اونینگ قندهی آلدی آلینیشی خصوصیده معلومات بیرگنلر.
اوشبو اوقیتووچیلردن بیری شیرزاد نینگ ایتیشیچه، اهالی نینگ کرونا ویروسی و اونینگ قندهی شکلده آلدی آلینشی خصوصیده معلوماتلری بولمهگن قیشلاقلرده باریب اولرگه معلومات بیرگن.
اونینگ ایتیشیچه، معلومات بیریش کمپاین اهالی تامانیدن خوش قرشیلنگن، بیراق قشلاقلرده ساغلیک امکانیتلرنینگ یوقلیگی اساسی قیینچیلیکلردن دیر.
عینحالده، دایکندی ولایتی بوییچه ساغلیقنی سقلش ریاستی باشلیغی اسحاقعلی درمان، اوقیتووچیلر تامانیدن معلومات بیریش کمپاین یولگه قویلیشینی تاثیرلی عنوان قیلیب و اوشبو ولایت یشاوچیلریدن اجتماعی فاصله و ساغلیک توصیهلرگه دقت قیلیشلرینی سورهیدی.
دایکندی ولایتی بوییچه ساغلیقنی سقلش ریاستی تامانیدن بیریلگن رقملرگه کوره، حاضرگهقدر اوشبو ولایتده 16 کیشی کرونا ویروسیگه چلینگن و بو جملهدن 7 تهسی درمانلنیب و باشقه 1 تهسی دنیا دن اوتگن.
