اولکه معارف وزیرلیگینینگ ییریک قیینچیلیکلریدن بیری، 50 فایز تخصصی بولمهگن اوقیتوچیلرنی مکتبلرده موجودلیگی دیر. بوگون معارف وزیری اسداللهحنیف بلخی معارف وزیرلیگینینگ کیفیتی و اورگهتیش نظامی توغری سیده معلومات بیریش خصوصیده نمایندهلرمجلسیده کیلگن ایدی.
جناب بلخی، اولکه معارفینینگ اورگهتیش و اوقیتوچیلریگه اوزگریش کیلتیریش اوچون اوزون پیتلیک و قیسقه مدتلیک برنامهلرنی کوزگه توتگنلیگینی بیلدیردی. او، معلم تربیهلش مرکزلر آرقهلی اوقیتوچیلر بیلیمیگه آرتیریش اوچون کورشهدی تا معلملر بیلیم سطح کوتریلسه.
معارف وزیری، اولکه اوقیتوچیلریدن 300 کیشینی تشقریده یوباریب، اولرنی بیلیملریگه آرتیریش و ظرفیتلرینی کوتاریشنی، بیرینچی ایشلریدن عنوان قیلدی.
جناب بلخی مکتبلردهگی اوقیهدیگن کتابلرگه اشاره قیلیب، افغان یاش-ییگیتلری اوچون حاضرگی شرایطده ماس اوقیهدیگن کتاب چیقاریلمهگن لیگینی بیلدیردی.
شونینگدیک او، کیلهسی 20 کونگه قدر 7 میلیون اوقیهدیگن کتابنی، اوقووچیلر اختیاریگه قویلیشیدن خبربیردی.
جناب بلخی بودجه آزلیگی توغری سیده اشاره قیلیب، دنیا بویلب یاردم بیرهدیگن اولکهلر مذکور وزیرلیککه اداری فساد بارلیگی دلیل، اونچهلیک ایشانمیدیلر دیگن.
معارف وزیری شوپیتده اوقیتوچیلر تخصصی بولمهگنلیکلری توغری سیده سوزلشهدی کیم؛ اوتگن 3 ییل دوامیده اوقیتوچیلر تخصصی توغریسیده هیچ قنقه اوزگریش کیلمهگن ایدی.
کینگش نینگ بوگونکی اولتیریشیده، اولکه یوکسک تحصیلات وزیری فریده مومند هم نمایندهلر سوراقلریگه جواب بیریش اوچون کیلگن ایدی.
خانم مومند ینگی بیلیم یورتلر قوریلیشیدن خبر بیردی و کیلهسی ییلده بو بیلیم یورتلر معرفی بولیب، اونده کوپلب کانکورگه قتنشگن اوقووچیلر دولتی بیلیم یورتلرگه آلینیشی ممکن دیدی.
گزارشلرگه کوره، اوتمیش 13 ییل جریانیده معارف و عالی تحصیلاتینینگ اورگهتیش روندیگه اوزگریش کیلگن، اما حاضرهم مکتبلر و بیلیم یورتلر خلق ارا معیارلریگه ایتیشمهگن و بوقیینچیلیک کوپلب انتقادلر بیلن بیرگه بولگن.
