جوزجان ولایتی نینگ بیر قطار دین عالملری ولایتده وهابیلیک همده افراطیت رواجلهنیشیدن خواطر بیلدیریب ایتیشلریچه، حاضرگی کونده ولایتده کمیده 45 دینی مدرسه وهابیت ینه افراطیتنی رواجلنتیریش اوچون طلبهلرگه تعلیم بیرهدی.
بو ایش ایسه خلق ینه دین عالملری اوچون چیدهب بولمیدیگن بیر ایش حسابلنهدی دیگنلر دین عالملر. دین عالملری مذکور دینی مدرسهلر فعالیتی آلدی آلینمهگن حالده، ولایتده نابرقرارلیک بوندن هم کوپهیشی ممکن دیگنلر.
جوزجان ولایتی ولایت کینگشی نینگ اعضاسی مولوی یارمحمد، بو گروه نینگ کیشیلری دینی معلوماتی آز بولگن یاشلرنی افراطیتگه چقیرهدی دیگن. اونینگ سوزلریگه کوره، اوشبو حرکت دینی مدرسهلر یانیده مکتبلر همده بیلیم یورتلریده هم فعالیت قیلهدی.
اوشبو وضعیتدن تشویش بیلدیرگن جوزجانلیک ینه بیر دین عالمی مولوی عصمتالله، افراطیت گروهلر اوز فعالیتلرنی مدرسهلردن آلیب دولت ادارهلریگچه کینگیتیرگنلر دیگن.
اونینگ سوزلریگه قرهگنده: « بو گروه دین عالملرینی اورتهدن کوتاریش نیتده یاشلرنی ترغیب و تشویش ایتهدی.»
شونینگدیک جمهور رییسلیک سرایی بیرینچی اورین باسرلیگی نینگ دینی مسالهلر بوییچه مصحلتچیسی محمدنبی ایوبی، اوشبو افراطیت گروه نینگ فعالیتی آلدی آلینمهگن حالده، نابرقرارلیکلر سابقدن کوره آرتیشی ممکن دیگن.
جوزجان پولیس قوماندانی رحمت الله ترکستانی، بولر ولایت ملی خوفسیزلیک ادارهسی همکارلیگی بیلن بو توغریده تیشکروو ایشلرنی باشلهگنلرینی تیلگه آلگن. اما، هنوزگچه بو ادعانی اثبتاتلاوچی حجت قولمه کیریتیلمهگن دین ترکستانی.
بوندن آلدین نمایندهلر مجلسی نینگ اعضاسی حفیظ منصور، مدرسهلر همده بیلم یورتلرده افراطیتنی تعلیم بیریش مسالهسی توغریسیده تشویش بیلدیرگن ایدی.
