جوزجان ولایتی نینگ درزاب تومنی یشاوچیلریدن مینگلرچهسی ناراضیلیک نمایش اوتکزیب مذکور تومنده اوروش تامانلریدن آتیشکیسین و اوروش گه نقطه قوییشلرینی طلب قیلگن.
اوشبو اعتراضچیلرنینگ آگاهلنتیریشیچه، بو تومنده قان توکیش و اوروش یکونلنیشی خصوصیده، طالبان و دولت اولرنینگ ایستکلری گه ایجابی جواب بیرگونگهقدر، اولر ناراضیلیکلریدن قول تارتمهیدیلر.
اولرگه کوره، اوتگن اوچ آیده طالبان و خوفسیزلیک کوچلری آرهسیده یوز بیرگن آتیشمهلرده کوپلب عامهوی قوریلمهلر، تومن بازاری و اهالی منزللری بوزیلگن و کوپلب زیان نی تینچ اهالی کوریشگن.
جوزجان حاکمی سوزلاوچیسی عبدالمعروف آذرنینگ سلاموطندارگه ایتیشیچه، مذکور ولایت یشاوچیلریدن اوروشدن سیقیلگن و اولرنینگ ایستکلری گه قولاق سالینیشی کیرهک.
جوزجان حاکمی سوزلاوچیسی گه کوره، طالبان گروهی حاضرگهقدر درزاب تومنی یشاوچیلری نینگ ایستکلری گه ایجابی جواب بیرمهگن.
بیراق، طالبان گروهی سوزلاوچیلریدن بیری ذبیحالله مجاهدنینگ ایتیشیچه، محل بوییچه آتیشکیسین گه رخصت بیریلمهیدی. طالبان گروهی نینگ سوزلاوچیسی گه کوره، درزاب تومنی طالبان نینگ نظارتیده بولگن و دولت هجوم قیلگن صورتده، طالبان عکسالعمل بیلدیرهدی.
