جمهور رئیس غنی تامانیدن ینگیلیکده صادر ایتیلگن فرمان اساسیده، خوست ولایتیده همشیرهلرنی تربیهلش مرکز باغلهنیب و مرکز پکتیا ولایتینینگ مرکزی گردیزگه انتقال بیریلیشی کیرهک و بو موضوع خوست یشاوچیلرینی خواطرگه سالگن.
مذکور ولایت یشاوچیلرینینگ ایتیشیچه، یول اوزاقلیگی و بو ولایتنینگ محلی مسؤوللرینی مدیریتی کوچسیزلیگی باعث، مذکور مرکز گردیزگه انتقال بیریلهدی.
سلاموطندارگه صحبت بیرگن مدنی فعال زینب و همشیرهلیک اوقووچیسی سلگی نینگ ایتیشیچه، ناتوغری رسمو رواجلر و سنت حاکملیگیگه قرهمهی، خوست ولایتیده آنهلر و بالهلرنینگ اولیمینی آلدی آلینیشی اوچون اولر همشیرهلیک خصوصیده تعلیم کورهدیلر. بیراق، زینب و سلگی گه کوره، همشیرهلیک تعلیماتی بیریلهدیگن مرکز گردیزگه انتقال بیریلگن صورتده، بو فرصت اولردن آلینهدی.
عین حالده، خوست ولایتینینگ ساغلیقنی ریاستی باشلیغی گلحبیب انصارینینگ ایتیشیچه، همشیرهلرنی تربیهلش مرکزی گردیزگه انتقال بیریلگنده هم، اونینگ بیر نمایندهلیگی خوست ده فعال تورهدی.
افغانستان ساغلیقنی سقلش وزیرلیگینینگ پکتیا زونی مسؤولی حضرت اکبرینینگ ایتیشیچه، جمهور رئیس غنینینگ فرمانی اساسیده، پکتیا ولایتینینگ مرکزی گردیز غزنی، خوست، پکتیا و پکتیکا ولایتلرینینگ زونی صفتیده تنلنگن؛ شو یوزهدن خوست ولایتینینگ همشیرهلرنی تربیهلش مرکزی گردیزگه انتقال بیریلهدی.
خوست مملکتنینگ تینچ ولایتلریدن بیری سنلهدی؛ بیراق مذکور ولایتنینگ کوپینچه مرکزی پکتیا مرکزی گردیزگه انتقال بیریلماقده.
