لایقه: بیرینچی مرته حیض کورگن چاغیمده قیشلاقده یشهیدیم؛ تورلی اقتصادی و مدنی دلیللر سبب، بیزلر هم کوپینچه عایلهلردیک بدن ساغلیگی، جسمی و جنسی خذمتلردن هیچ نرسه بیلمس ایدیک.
شونینگدیک، قیشلاقده یشهیدیگن آنهلرگه حیض دن گپلهماق اویت ایدی.
اوشه کوندن آلدین، حیض توغریسیده بعضی نرسهلر ایشیتگن ایدیم. قیزلر توپلنگن زمانیدن آیلیک کسللیگی توغریسیده بعضی سوزلر قولاغیمگه کیلردی؛ قیزلرنینگ ایتیشیچه، آیلیک کسللیگیده نماز اوقیلمهی و روزه آلینمهیدی. بو کسللیک هم باشقه کسللیکلردیک دارولنیشینی توشونردیم.
کونلردن بیر کون چومیلدیم و بوتون وجودیم هول ایدی، سینگلیم گه مین کسل بولیب من و نماز اوقیمهیمن دیدیم؛ بیراق او کییملریم نی کوریب باشینی قیمیردهتیب کسل بولگهنینگ یوق و نماز اوقیشینگ کیرهک دیدی.
سینگلیمنینگ آلدیدن خوش من، اوشه بهانه سبب بولدی کیم، سینگلیم حیض توغریسیده تولیقچه معلومات بیردی.
لیکن؛ کمیده بیر ییلدن سونگ، کسل بولدیم کییمیمده قان نشانهسینی کوردیم، حیرت گه توشیب و بیر آز قورقدیم؛ هیچ کیمگه بیر نرسه دیمهدیم و نتیجهده سینگلیم بیلدی و او «کسل بولیب سن، نماز اوقیمه دیدی.»
