شمالی انتلانتیک تشکیلاتی یا-ده ناتو بیر توییت آرقهلی، افغانستانده 3 کونلیک آتیشکیسین اعلان قیلینشینی خوش قرشیلگن.
ناتو نینگ ایتیشیچه، تینچلیک سوزلشوولر عرفهسیده آتیشکیسین اعلان قیلینیشی، اوروشنی یکونلنتیریش اوچون اونملی دیر. ناتو تشکیلاتی، اعلان قیلینگن آتیشکیسین افغانستانلیکلر ارا سوزلشوولر باشلهنیشیگه سبب بولیشیدن امیدوارلیک بیلدیرگن.
شونینگدیک، افغانستان بوییچه اروپا بیرلیگی نینگ نمایندهسی هم بیر توییت آرقهلی، اوچ کونلیک آتیشکیسین دن حمایت بیلدیریب و ایکی تامان اوشبو معنیدار سمبولنی تاریخی بیر فرصتگه اوزگرتیریشی کیرهک دیگن. اروپا بیرلشمهسی اوچ کونلیک آتیشکیسینی زورانلیکلر کمهیتیریلیشی و سوزلشوولر باشلهنیشی اوچون یخشی فرصت عنوان قیلگن.
افغانستان تینچلیک لایحهسی بوییچه آمریکا خاص نمایندهسی زلمی خلیلزاد هم بیر توییت آرقهلی، طالبان گروهی و افغانستان حکومتی تامانیدن 3 کونلیک آتیشکیسین اعلان قیلینیشینی خوش قرشیلگن.
جناب خلیلزاد، قربان هییتی افغانستانلیکلر آرهسیده کیلیشوو و حرمت کیلتیریب و تینچلیککه یقینلشتیریشدن امیدوارلیک بیلدیرگن.
عینحالده، افغانستان بوییچه بیرلشگن ملتلر تشکیلاتی نینگ اورین باسرلیک هیأتی یا-ده یوناما، هییت کونلریده افغانستان دولتی و طالبان تامانیدن آتیشکیسین اعلان قیلینشینی خوش قرشیلب و محبوسلرنینگ قوییب یوباریلیشی و زوروانلیک کمهیتیریلیشی بیلن افغانستانلیکلر ارا سوزلشوولر باشلهنیشی مملکنلیگینی بیلدیرگن.
اوتگن "سهشنبه" کونی طالبان گروهی بیر اعلامیه آرقهلی، جنگریلریدن هییت کونلریده هیچقندهی عملیات اویوشتیرمهیشلرینی سورهگن.
طالبان اعلامیهسیگه کوره، آتیشکیسین کونلریده اوشبو گروه جنگریلرینی دولتی کوچلر حاکمیتیگه باریش حقی یوق دیر و شونینگدیک، بو گروه جنگریلری دولتی کوچلرگه نظارتلریگه بولگن منطقهلرگه سفر قیلیش اوچون رخصت بیرمهیدی.
طالبان تامانیدن آتیشکیسین اعلان قیلینگنی سونگ، جمهورلیک ریاستی سوزلاوچیسی صدیق صدیقی نینگ توییتر صحیفهسیده یازیشیچه، افغانستان دولتی طالبان تامانیدن آتیشکیسین اعلان قیلینیشینی اونملی حرکت عنوان قیلهدی، بیراق افغانستان یشاوچیلری دایمی آتیشکیسین ایستهیدی دیگن ایدی.
جناب صدیقی نینگ کوپهیتیریشیچه، جمهور رئیس غنی بوتون امنیتی و دفاعی کوچلرگه آتیشکیسینی رعایت قیلیشلری خصوصیده بویروغ بیرگن.
