ننگرهار معارف ادارهسینینگ مسووللری، دیورند چیزیغیدن اوتیب پاکستان مکتبلریده تعلیم آله دیگن اوقووچیلرنینگ سانی 80% کمیگن لیگی بارهسیده خبر بیرگنلر. رسمیلر، سونگی ایکّی ییل جریانیده ننگرهار چیگره حدودلریدهگی مکتبلر جهازلهنیشی اوچون آلیب باریلگن سعی و حرکتلر بو موضوعگه ایجابی تاثیر قالدیرگن دیگنلر.
گزارشلرده مومند دره، لالپور، دوربابا و تورخم منطقهلرینینگ 600دن 700گه قدر اوقووچیسی تومنلریده تعلیم آلیش اوچون مناسب شرایط بولمهگن لیگی سبب پاکستان مکتبلریده تعلیم کوریش اوچون یوز کیلتیرگن لیکلری یازیلگن. مذکور اوقووچیلر پاکستانلیک طلبهلرنینگ مخصوص مکتب کیمی بیلن جهازلنگنلر. ایتیلیشیچه، بو اوقووچیلرنینگ سانی حاضر 120 دن 150 ته کمیگن.
ننگرهار ولایت والیسینینگ سوزلاوچیسی آصف شینوارینینگ سلاموطندارگه ایتیشیچه، افغانستانلیک اوقووچیلر پاکستان مکتبلریگه باریب تعلیم آلیمسلیکلری اوچون جدی سعی و حرکت بار. جناب شینواری، هنوز هم ولایتنینگ بیر قنچه حدودلریده مکتبلر اوقوو قوراللری بیلن جهازلنمهگن دیگن.
سلاموطندار ترماغی بیلن صحبت قیلگن ولایت مکتبلرینینگ اوقووچیلری، درسلیک کتابلر بولمهگن لیگی ینه اوقیتیش صفتی قویی ایکنلیگی سبب پاکستانلیک طلبهلر لباسینی کییب او مملکت مکتبلریگه درسگه کیرگنلیکلرینی ایتگنلر. اولر، منطقهلریدهگی مکتبلری زمانوی اوقو قوراللری بیلن جهازلنگن تقدیرده، هیچ زمان پاکستان مکتبلریگه کیتمسلیکلرینی تیلگه آلگنلر.
بو اوقووچیلرنینگ خانه دانیگه کوره، فرزندلرینی پاکستان مکتبلریگه یوباریشگه راضی ایمسلر؛ لیکن، چاره سیز بو قرارگه تن بیرگنلر.
اوشبو عایلهلرنینگ سوزلریگه قرهگنده، دیورند چیزیغیدن او تامانده تعلیم کوره دیگن اوقووچیلر افغانستان تاریخی و مدنیتی دن خبرسیزلر. صحبتداشلر، دولت بو توغریده اعتبار بیرمهگن حالده، بالهلرینی پاکستان مکتبلریده تعلیم آلیش اوچون یوباریشلری بارهسیده گپیرگنلر.
