افغانستان بوییچه جمهورلیک ریاست سیلاوی نینگ نامزدلریدن بیری گلبدین حکمتیار رهبرلیگیده بولگن تینچلیک و اسلامی عدالت سیلاو تیمی نینگ طرفدارلریدن بیرقطاری، بوگون «جمعه» کابلده ناراضیلیک بیلدیریشدی.
اعتراضچیلرنینگ ایتیشیچه، سیلاو ایرکین کمیسیونی و دولت قورووچی سیلاو تیمی جمهورلیک ریاست سیلاویده ساختهکارلیک قیلیشگن و بیر کیشی ساختهکارلیک اساسیده، جمهورلیک ریاستی گه ییتیشی خصوصیده، رخصت بیریشمهیدی.
اعتراضچیلرگه کوره، سیلاو کمیسیونی یراقلی آوازلرنی یراقسیز آوازلردن اجرهتیب و ساخته آوازلرگه اعتبار بیرمهسی کیرهک.
اعتراضچیلرنینگ آگاهلنتیریشیچه، ایستکلری عملگه آشیریلیشی اوچون هرقندهی ورینت دن فایدهلنهدیلر.
جمهورلیک ریاست سیلاوی نینگ نامزدلریدن بیری گلبدین حکمتیار، طرفدارلری ناراضیلیک بیلدیریشیدن آلدین کابلده اوتکزگن خبری بیر ییغینده، مملکتده وقتینچهلیک حکومت ایجاد ایتیلیشینی سورهدی.
اونینگ کوپهیتیریشیچه، ملی بیرلیک حکومت مملکتدهگی حاضرگی وضعیت نی باشقره آلمهیدی و بو وضعیتدن چیقیش اوچون وقتینچهلیک حکومت ایجاد ایتیلیشی لازم.
شونینگدیک، بوندن آلدین جمهورلیک ریاست سیلاوی نینگ نامزدلر کینگشی، حاضرگی بحران دن چیقیش اوچون ملی همکارلیک حکومت ایجاد ایتیلیشینی سورهگن ایدی.
عین دمده، جمهورلیک ریاست سیلاوی نینگ نامزدی و اجراییه باشلیغی عبدالله عبدالله رهبرلیگیده بولگن برقرارلیک و یقینلیک سیلاو تیمی نینگ طرفدارلریدن بیرقطاری، کاپیسا و بامیان ولایتلریده ناراضیلیک نمایش بیلدیریشگن.
اعتراضچیلرنینگ ایتیشیچه، سیلاو ایرکین کمیسیونی 300 مینگ بایومتریک سیز آوازنی بیکار اعلان قیلیشی کیرهک.
شو توغریده…
برقرارلیک و یقینلیک تیمی نینگ طرفدارلری، 4 ولایتده ناراضیلیک بیلدیریشگن
