16 یاشر «نیسی پرس» ناملی قیز هندوراس اهلیدن، ایکی کون آلدین (دوشنبه) کیچه یریمیده تشناب کیتیش قصدیده، یاتگن ییریدن توریب-جونهش پیتیده، اوق آتیلیشینی ایشیتیشی بیلن اوزیدن کیتیب قالهدی. عایله اعضاسی آتیلگن اوق سیسی بیلن اویقودن اویغنیب-قیزلرینی اوزیدن کیتگن حالده کورهدیلر.
نیسینینگ آنه-آتهسی مذهبی بولگنی اوچون، قیزلرینی آغزیدن سوو آقیب پیاده روده قاتیب قالگن حالده کوریشلری بیلن، قیزلرینی اولگنلیگیگه ایشانیب، محل کشیشلریدن نیسینی اولیمدن قوتقزیش گه اولردن یاردم سوریدیلر؛ قیزگینهنی هوشگه کیلتیریالمهگنلیگی کشیشلر ضعیفلیگینی کوریشلری بیلن نیسینینگ آته-آنهسی کسلخانه تامان آلیب جونیدیلر. اما بایب-باریب نیسی تیریکلیگینی قولدن بیرگن شکلینی اوزیگه آلیب اعضاسی ساووب قالهدی و روحی چیقگن دیک بولیب قالهدی.
داکترلر تامانیدن ایریم تیکشیروولر اوتکزیلیشی بیلن، اونینگ تیریکلیگیدن قیسی بیر علامه کورینمهگن بیر حالده، اولگنلیگینی تأیید قیلهدیلر. شونینگدیک، حاملهلیک یاش قیزنیسی پرس، کیلین کویلکی بیلن گورستانده کومیلهدی.
بیرکون اوتیشی بیلن اونینگ ایری «رودی گونزالس» لاانترادا عمومی گورستانیده باریب، خاتینی توپراغی اوستیده او بیلن یورک سیرینی ایته باشلیدی، بیردن ییر آستیدن اونینگ قولاغیگه ضعیف سیس کیلهدی. رودی جانی باریچه تلاش قیلهدی و باشقهلرنی قضیه دن خبر قیلهدی و نیسی عایلهسینی هم تیزلیکده گورستان تامان آلیب بارهدی و بیل و کلنگ بیلن قیزنی گوردن چیقاریب آلهدیلر.
نیسینینگ آته-آنهسی و ایری، اونی گوردن چیقاریب آلیشلری بیلن تیزلیکده سنپتروسولا کسلخانهسیگه آلیب بارهدیلر. نیسی برماقلری کوکریب، پیشانهسی یره کوترگن ایکن. داکترلر ینه بیر بار تلاش قیلهدیلر تا نیسینی تیریلتیرسهلر، اما ینه هم تلاشلر حدر کیتهدی و نیسیگه قیسی بیر اوزگریش کیلمیدی.
اخیر نیسی پرسنی ایکینچی مرته گورستانده ایلتیب همیشهلیک تاپشیرهدیلر. داکترلرگه کوره، نیسی پرس آغیر وحشتگه یولیقگن ایکن وآدملرشندهی بیر حالده کوپلب یورهک تاختهلیشیگه یولیقهدی.
باشقه بیر گپ بودیرکه، یاش قیز نیسی کاتاپلکسی کسللیگیگه یولیقگنلیگی ممکن. کاتاپلکسی کسللیگیگه یولیقگن بیرچاغده، عضلات کوچ سیزلیگی و هوش سیزلیک حالتلری روی بیرهدی. کاتاپلکسی حالتی حد دن آشه قووانچ کیلیشی، کولگی روی بیریشی، سیسینی عادی حالتیدن آشه راق چیقاریشی و ییغلهگن پیتلرده روی بیرهدی
