بغلان ولایتی بوییچه عیاللر ایشلری ریاستی، پلخمری شهریده قرنطین کونلریده عایلهوی زوروانلیکلر کوپهیگنیدن خبر بیرگن.
بغلان ولایتی بوییچه عیاللر ایشلری ریاستی باشلیغی خدیجه یقین، اوشبو ولایتده عایلهوی زوروانلیکلر کوپهیگنیدن خواطر بیلدیریب ایتیشیچه، عیاللرگه قرشی زوروانلیکلردن کوپینچهسی پلخمری شهریده یوز بیرگن.
اونگه کوره، پلخمری شهریده اوی قرنطینی باشلنگنیدن بویان عیاللر ایشلری ریاستی ده عیاللرگه قرشی 30 دن آرتیق زوروانلیک قضیه رویخط گه آلینگن. اوشبو واقعهلردن بیرقطاری تیکشیریلگن.
بغلان ولایتیده عیاللر ایشلری ریاستی باشلیغی نینگ کوپهیتیریشیچه، اوشبو واقعهلر عیاللرنینگ برابریده ایرککلرنینگ حوصلهسیزلیگی باعث، کوپهیگن.
بغلان ولایتی بوییچه عیاللر ایشلری ریاستی ده حقوق مدیری اورانوس عاطفی، عایلهوی زوروانلیکلر کوپهییش سببینی ایشسیزلیک و کمبغللیک دیب بیلهدی.
اونگه کوره، پلخمری شهری قرنطین بولگنی اوچون ایشسیزلیک کوپهیگن و شو یوزهدن عایلهلرده عیاللر و ایرککلر تارتیشهدی.
بغلان بیلیم یورتی نینگ استادی مشعل شعیر، عایلهوی زوروانلیکلر کمهیتیریلیشی خصوصیده بولگن ییچیم یول بیر-بیری نینگ قبول قیلیش، اورگهتیش و تربیهلش و اهالی گه معلومات بیریش دییدی.
بغلان ولایتیده عیاللر ایشلری ریاستی مسؤوللری نینگ ایتیشلریچه، بو قیینچیلیکنی حل قیلیش اوچون اهالی گه معلومات بیریش و باشقه بیرقطار برنامهلرنی قولگه آلیشگن و تیزلیککه بو برنامهلر پلخمری شهری و مذکور ولایت نینگ تومنلریده یولگه قوییلهدی.
ایتیش کیرهک کیم، کمیده بیر آی آلدین بیرلشگن ملتلر تشکیلاتی نینگ باش کاتبی، اوی قرنطین دوریده عیاللرگه قرشی زوروانلیک کوپهیگنیدن خواطر بیلدیرگن ایدی.
بیرلشگن ملتلر تشکیلاتی نینگ باش کاتبی آنتونیو گوترش، دولتلردن کرونا ویروس گه قرشی کورهش خصوصیده بولگن برنامهلریده عیاللردن حمایت قیلیشنی هم جایلشتیریشینی سورهگن ایدی.
