مزاشریف شهریده افغان-ترک مکتبلرینینگ اوقیتوچی و ایشلاوچیلریدن کمیده 90 تهسینی قولگه آلینگنیدن بیر کون اوتگنیدن کیین، مذکور مکتبلرنینگ عایلوی کمیتهسی کابلده خبری بیر ییغین یولگه قوییب ایتیشلریچه، قانونی بویروغدن باشقه هیچکیم اوشبو مکتبلرنینگ باغلهش حقی گه ایگه ایمس دیر.
مذکور مکتب اوقووچیلرینینگ عایلوی کمیتهسینی رهبرلیک کینگشی اورین باسری عبدالشکور دادرسنینگ ایتیشیچه، افغان-ترک مکتبلری اوستیگه هجوم قیلگن کیشیلر تدقیقات آستیده آلینیشی کیرهک و افغانستانده مهمان بولگن اوشبو مکتبلرنینگ ترکیهلیک اوقیتوچیلری نی حرمتی سقلنیشی کیرهک.
عین حالده، مزارشریف شهریده خوفسیزلیک مسئولری افغان-ترک مکتبلرینینگ اوقیتوچیلری و ایشلاوچیلریدن 83 تهسینی قوییب یوباریلیشیدن خبر بیرگنلر.
بلخ پولیسی قومندانی محمداکرم سامحنینگ ایتیشیچه، اوشبو ولایتدهگی افغان-ترک مکتبلری اوستیگه اویوشتیریلگن هجومده 89 کیشی قولگه آلینگن و بولردن 6 تهسی ترکیه یشاوچیلری دیر و بوگون کیچ قورون تشقی ایشلر ریاستینینگ نمایندهلیگیده تاپشیریلیشی ممکن.
بلخ پولیسی جمعه کونی ایرتهلب اوشبو ولایتده افغان-ترک گه تیگیشلی مکتبلرنی قمروگه آلیب و مذکور مکتبنینگ قطار ترکیه یشاوچیلری شامل اوقیتوچیلر و ایشلاوچیلریدن 89 تهسینی اوشلب آلدی.
شو توغریده:
- بلخ ده خوفسیزلیک کوچلر افغان-ترک مکتبلری اوستیگه هجوم قیلگنلر
«افغان-ترک مکتبلری بیلن سیاسی یاندهشیلمهسین»
«افغان-ترک مکتبی اوستیگه اویوشتیریلگن هجوم قانونگه قرشی دیر»
جوزجان افغان-ترک لیسهسی اوستیگه امنیتی کوچلر هجوم قیلگن
عین حالده، معارف وزیرلیگی بیر خبرنامه ترقهتیب ایتیشیچه، بلخده افغان-ترک مکتبلرینینگ مدیریتی «چاغ ایجوکشنل» جمغرمهسیدن توغری و تینچ شکلده ترکیه معارفی گه انتقال تاپگن و اوشبو جریانده هیچقندی جسمی توقنهشوو یوزبیرمهگن.
شونینگدیک بوندن آلدین کابلده مذکور مکتب اوقیتوچیلریدن قطاری خوفسیزلیک کوچلری تامانیدن قولگه آلینگن ایدی و بولردن 2 ترکیهلیک اوقیتوچی 13 آیلیک اوی قماقخانهسینی اوتکزگنلریدن کیین آلدینگی هفته سویدن کیتیش گه مجبور بولدیلر.
