نورستان اهالیسینینگ ایتیشیچه، مذکور ولایتده قیزیلچه کسللیگی کینگهیگنی نتیجهسیده، اوتگن ایکی آیده چمهسی 70 باله جان بیرگن.
ولایت اهالیسیگه کوره، کونسایین قیزیلچه کسللیگی کینگهیماقده.
اهالینینگ ایتیشیچه، اوشبو کسللیک کوپینچه طالبلرنینگ نظارتیدهگی منطقهلرده کینگهیگن و قیزیلچه واکسینینی تطبیق ایتهدیگن ساغلیک ایشچیلری، مذکور منطقهلرگه باره آلمهیدیلر.
اولرنینگ آگاهلنتیریشیچه، ساغلیقنی سقلش وزیرلیگی تیزلیکده بو کسللیکنینگ آلدینی آلیش خصوصیده، چاره تدبیر کورمهگنده، بو ولایتده انسانی مصیبت یوز بیرهدی.
سلاموطندار بیلن صحبت اوتکزگن نورستان ساغلیقنی سقلش مسؤولی اسماعیل استانکزینینگ ایتیشیچه، اوشبو ولایتنینگ باشقه هر بیر منطقهسیگه نسبتن کامدیشده قیزیلچه کسللیگی کینگهیگن و اوشبو تومنده حاضرگچه 15 باله جان بیرگن.
جناب استانکزینینگ ایتیشیچه، بو قیینچیلیکنی حکومت بیلن شریک قیلگن و تیزلیکده بو توغریده ییچیم یول تاپیشی ممکن.
بیراق، قوراللی طالبلرنینگ سوزلاوچیلریدن بیری ذبیحالله مجاهدنینگ سلاموطندارگه ایتیشیچه، واکسیننی تطبیق ایتهدیگن کیشیلرنینگ آلدینی آلمهیدیلر و ایریم پیتلرده اهالی واکسینگه قرشیلیک کورستهدی.
مجاهدگه کوره، اولر واکسین منفعتی خصوصیده، اهالینی آگاهلنتیریش اوچون حرکت قیلهدیلر.
