افغانستان بشر حقلری ایرکین کمیسیونی، فاریاب ولایتینینگ غورماچ تومنی شرشر قیشلاغیده ایری تامانیدن بیر عیالنینگ بورنی کیسیلگنیدن خبر بیرهدی.
افغانستانده بو ایکینچی قضیه کیم، ایری تامانیدن بیر عیالنینگ بورنی کیسیلهدی. دیمک 7 ییل آلدین، ارزگان ولایتیده بیر ایرکک تامانیدن 18 یاشر عایشهنینگ بورنی کیسیلگن ایدی.
فاریاب پولیس قومندانی سیدآقا اندرابینینگ ایتیشیچه، ریزهگلنینگ بورنی ایری تامانیدن کیسیلگن.
20 یاشر ریزهگل حاضر میمنه شهری کسلخانهسیده درمان آستیده قرار تاپگن. اونینگ ایتیشیچه، ایری بیچاق بیلن اونینگ بورنینی کیسگن و اوشبو واقعه یوزبیرگنیدن کیین، عایله اعضاسی تامانیدن کسلخانهگه انتقال بیریلگن.
شونینگدیک، ریزهگلنینگ ایتیشیچه، 6 ییلدن بویان ایری تامانیدن کلتکلنهدی ایکن.
بشر حقلری کمیسیونی تامانیدن نشر ایتیلگن خبرنامهده یازیلیشیچه، اوتگن یکشنبه کون کیچ قورون (27- جدی) ریزهگلنینگ ایری اونی بورنینی کیسگنیدن کیین، نامعلوم ییرگه قاچیب کیتگن.
بیراق فاریاب پولیسینینگ ایتیشیچه، ریزهگلنینگ ایری تورموش اورتاغینینگ بورنینی کیسگنیدن کیین، طالبلرگه تامان قاچیب کیتگن و اولر تامانیدن تیرگاو آستیده قرار تاپگن.
شونینگدیک، بشر حقلری کمیسیونینینگ یازیشیچه، اوشبو عیالنینگ بیر قیزی هم بار.
بشر حقلری کمیسیونینینگ ولایتی دفتری نظارت بولیمی اورین باسری زرمینه زارعدن نقل بولیب خبرنامهده کیلیشیچه، ریزهگلنینگ آتهسی بیلن آنهسی کسلخانهده حضور کیلتیرگن و برچه قانون دستورچیلریدن، قیزینینگ دوسیهسیگه عدالتنی عملگه آشیریشینی سورهدی.
فاریاب کسلخانه باشلیغی محمد معروف ثمرنینگ سلاموطندارگه ایتیشیچه، ریزهگل (دوشنبه کون) ایرتهلب بو کسلخانهده انتقال بیریلگن. اونگه کوره، ریزهگلنینگ فاریابده دارولهآلمهیدی و اونینگ دارولش اوچون ترکیه یوباریلیشیگه قرار قیلینگن.
