بوگون «یکشنبه» هیداوچیلردن بیرقطاری، غزنی ولایتینینگ اوچینچی امنیتی حوزهسیگه تیگیشلی منطقهده پکتیکا-غزنی قتناو یولینی توسیب ادعا قیلیشیچه، مذکور قتناو یولده جایلشگن پوستهلرنینگ امنیتی کوچلری، اولردن زورلب پول آلهدیلر و ایریم پیتلرده اولرنی کلتکلب و اهانت قیلهدیلر.
اعتراضچی هیداوچیلرنینگ ایتیشیچه، بو قضیه گه دولت دقت قیلمهگن صورتده، اولر اعتراضلریگه دوام بیرهدیلر.
باشقه تاماندن، غزنی حاکمی انجنیر عبدالکریم متیننینگ ایتیشیچه، بو قضیهدن خبر تاپگن و اونی آلدی آلینیشی اوچون سعی و حرکت قیلهدی.
افغانستان قتناو یوللریده تاولانچیلیک ینگی بیر قضیه ایمس دیر. شونینگدیک، نیچه وقت آلدین پکتیکا ولایتیده شو یوزهدن قتناو یول یاپیلگن ایدی و قضیه قانونی شکلده حل ایتیلیشی توغریسیده محلی رسمیلر بیلن کیلیشیب و یول آچیلگن ایدی.
