خوست ولایتیده جمعیتنی رویخط گه آلیش مدیریتی، کیملیک ایستهیدیگن عیاللر رقمینی 10% دیدی؛ بیراق اهالینینگ ایشانچیگه کوره، عیاللردن 5% هم کیملیک ایستمهیدی.
عین حالده، خوست اهالیسی معلومات ییتکزیش خصوصیده، عیاللر ریاستینی دقتسیزلیککه عیبلهیدی؛ بیراق خوست ولایتی عیاللر ریاستی باشلیغینینگ ایتیشیچه، اولر وظیفهلرینی عملگه آشیرگن و عمومی آگاهلنتیریش بوتون یشاوچیلرنینگ وظیفهسی دیر.
سونگی ییللرده قیزلرگه تعلیمات بیریش لایحه چیقانلشگن؛ بیراق حاضرگهقدر عیاللر و قیزلردن کوپینچهسی کیملیک آلیش گه حاضر بولمهیدی. اوشبو موضوع دن خواطر بیلدیرگن خوست مدنی فعاللری و یشاوچیلریدن بیرقطارینینگ ایتیشیچه، وضعیت شوندهی بیر شکلده دوام ایتگن صورتده، کیلهجک سیلاوده عیاللرنینگ حضوری کم بولهدی. اولرنینگ کوپهیتیریشیچه، عیاللردن کوپینچهسیگه کیملیک نی هیچ اهمیتی یوق دیر و یالغیز مملکتدن تشقری حج یا-ده درمان اوچون بارهدیگن عیاللر کیملیک آلهدی.
اوشبو عیاللردن بیرقطارینینگ سلاموطندارگه ایتیشیچه، بیزلردیک قیشلاقی عیاللرگه کیملیک نیاز ایمس دیر. یالغیز مملکتدن تشقری درمان اوچون بارگنیمیزده کیملیک آلهمیز.
خوست ولایتینینگ عیاللری کیملیک آلمهگنیدن خواطر بیلدیرگن جمعیتنی رویخط گه آلیش مدیری سیدعمر عمرنینگ ایتیشیچه، عیاللر و قیزلر زورلنگونگهقدر، کیملیک آلمهیدیلر.
خوست ولایتی عیاللر ریاستی باشلیغی ملالی ولینینگ ایتیشیچه، عیاللر مدنی قیینچیلیکلر باعث، کیملیک آلیشگه حاضر بولمهیدی.
مدنی قیینچیلیکلر باعث، خبرچیلردن کوپینچهسی مهم مسئلهلر توغریسیده عیاللرنینگ نظرینی آله آلمهیدی؛ چونکه اوقووچیلر، اوقیتووچیلر، دولت و خصوصی بولیملرنینگ ایشلاوچیلریدن کوپینچهسی میدیاگه صحبت بیریشدن وازکیچهدی.
