اوتگن کیچه بغلان امنیتی کوچلریدن ایکیتهسی بیر اوییده اوغیرلیککه کیرگن و عایله اعضاسی بیلن مقابل بولیب بیر کیشینی اوققه تارتگن.
ضرر کورگن خانهدان اعضالریدن جمشیدنینگ سلاموطندارگه ایتیشیچه، اوتگن کیچه پولیسنینگ بیر رنجر موتری اویلری یقینیده جایلشتیریلیب و مذکور رنجر یولاوچیلریدن ایکی کیشی اوغیرلش نیتیده اونینگ اوییگه کیرگن. جمشید و ایناغهلری اویلریگه اوغری کیرگنلیگیدن خبر بولهدی و اوغری پولیسلردن بیرینی قمراوگه آلهدی.
جمشیدنینگ معلوم قیلیشیچه، اولر بو پولیسنی اوزلریگه یقین امنیتی حوزهگه آلیب بارماقده ایکنلر، اما ایکینچی پولیس ایزیم بیرمه گن و اولرگه هجوم اویوشتیریب نتیجهده عایله اعضاسیدن بیرکیشی هلاک وباشقه بیری هم تن جراحت آلهدی.
بغلان پولیس سوزلاوچیسی احمدجاوید بشارت هم حادثهنی تأیید قیلگن و ایتیشیچه، اوغیرلیککه عیبلنگنلردن بیری نینگ ساتنمن ایکن و بیر کون آلدین رخصتگه کیتگن. جناب بشارت اوغیرلیککه عیبلنگنلر قولگه آلینیش بارهسیده تلاش بولیب کیلماقدهلیگینی معلوم قیلگن.
ایتیش کیرهک ایکی هفته آلدین هم میدان وردک پولیس باشلیغی خلیل اندرابیگه تیگیشلی رنجر موترده طالبلر حربی باشلیغی بغلاندن کابل کیلتیریش پیتیده ملی امنیت کوچلری تامانیدن قولگه آلینگن ایدی.
