فاریاب ولایتی پشتونکوت تومنی همده میمنه شهرینینگ یوزلب اهالیسی بوگون یکشنبه ناراضیلیک بیر نمایش اوتکزیب، ایکّی آیدن بیری تازه ایچیملیک سوو جریانی کیسیب قوییلگن لیگیدن شکایت قیلگنلر.
بو مساله اهالینی تورلی قیین چلیکلر بیلن دوچار قیلگن لیگی نمایشچیلر طرفیدن تیلگه آلینگن. اعتراضچیلر، مردمی کوچ قوماندانی همده فاریاب ولایت کینگشی باشلیغینینگ آتهسی غلام قادر رحمانی ایکّی آیدن بیری سوو جریانینی پشتونکوت همده ممینه شهری اهالیسی یوزیگه باغلب قویگن لیگینی تیلگه آلگنلر.
اهالی، اعتراضچیلر مینگ بیر قیینچلیکلیک بیلن تازه ایچیملیک سوو قولگه کیریتیشلرینی ایته دیلر. شونینگدیک میمنهلیکلر سوو بولمهگن لیگی سبب ایکین ییرلری قوریش عرفهسیگه کیلگن لیگیدن شکایت ایتگنلر.
اما، فاریاب ولایت کینگشینینگ باشلیغی طاهر رحمانی، آتهسی تامانیدن سوو جریانی کیسیب قوییلگن لیگی بارهسیدهگی میمنه شهری اهالیسی ادعالرینی رد قیلب، ایریم تیورهکلر عایلهسیگه نسبتن پروفاگند قیله دیلر دیدی.
فاریاب ولایت کینگشینینگ باشلیغی، سوو جریانی ایکّی قیشلاق اورتهسیدهگی حقوقی بیر مساله، بو موضوع محلی حکومت تامانیدن حل ایتلیشی ممکن ایدی، لیکن هنوز حل بولمهگن دیگن.
فاریاب ولایتینینگ والیسی سید انور سادات، هنوز گچه پشتونکوت و میمنه شهریگه آقه دیگن سوو جریانی کیسیلگن لیگی نینگ اصلی سببی انیق ایمس دیگن.
لیکن، بو قیینچیلیک حل ایتیلیشی اوچون ولایت مقامی سرحوض منطقهسیگه هیات یوبارهدی دیگن جناب سادات.
شونینگدیک فاریاب ولایتی نینگ والیسی پشتونکوت تومنیگه آقه دیگن سوو جریانی 24 ساعت ایچیده حل ایتلیشی بارهسیده وعده بیرگن.
سوو جریانی کیسیب قوییلگن لیگینی ادعا قیلگن مینهلیکلر ایستهگی توغریسیده، مردمی کوچ قوماندانی غلام قادر رحمانینینگ فکرینی اورگهنیش اوچون آلیب بارگن سعی وحرکتیمیز نتیجه بیرمهدی.
