بوگون «یکشنبه» قندوز شهری نینگ دکاندارلری و آلتین ساتووچیلریدن یوزلرچهسی، مذکور ولایتده قوراللی اوغیرلیکلر و ترور کوپهیگنی باعث، اعتراض بیلدیریشگن.
اعتراضچیلرنینگ ایتیشیچه، قوراللی کیشیلر کوندوز تاماندن اولرنینگ دکانلریده بولگن نرسهلرنی اوزلری بیلن آلیب کیتهدیلر، بیراق خوفسیزلیک مسؤوللری، اولرنینگ خوفسیزلیگی تأمینلنیشی توغریسیده هیچ بیر ایش قیلمهیدی.
اعتراضچیلر ناراضیلیککه قول اورگن بیرچاده، بوگون هم ناتانیش قوراللی کیشیلر آلتین ساتووچی بیر دکان اوستیگه هجوم قیلیب و دکاندارنی اوققه توتیب یرهلنتیرگن.
اعتراضچیلرگه کوره، اولرنینگ آلتین ساتووچی دکانلری پولیس کییمی کییگن کیشیلر تامانیدن اوغیرلنهدی.
اعتراضچیلرنینگ آگاهلنتیریشیچه، اولرنینگ خوفسیزلیگی حکومت تامانیدن جدی شکلده تأمین ایتیلمهگن صورتده، دکانلرینی آچمهیدیلر.
قندوز ولایت کینگشی اعضاسی امرالدین ولی نینگ ایتیشیچه، مذکور ولایت نینگ محلی مسؤوللری، قندوز یشاوچیلری نینگ خوفسیزلیگی نی تأمین قیله آلمهیدی.
اوشبو موضوع توغریسیده قندوز خوفسیزلیک رسمیلری نینگ فکرینی اورگهنیش اوچون علاقه قوردیک، بیراق اولر جواب بیریش گه حاضر بولمهدیلر.
