بوگون "سهشنبه" غور ولایتی کینگش اعضالری و یشاوچیلریدن بیرقطاری، مذکور ولایت چهارسدۀ تومنینینگ طالبلر قمراویکه بولگنی سبب ناراضلیک قیلگنلر.
ناراضچیلرنینگ ایتیشیچه، 38 کوندن بویان مذکور ولایت طالبلر قمراویکه قرار تاپگن و مرکزی حکومت حاضرگهقدر بو توغریده هیچقندی دقت قیلمهگن.
اولرنینگ ایتیشیچه، مرکزی حکومت دقت قیلمهگن صورتده، چهارسدۀ تومنینینگ طالبلر قولیگه سقوط قیلیشی ممکن.
غور ولایتی کینگش اعضاسی عبدالبصیر قادرینینگ مذکور تومن وضعیتی خصوصیده خواطر بیلدیریب ایتیشیچه، مرکزی حکومت مسووللری طالبلرنی نابود قیلیش اوچون سعی و حرکت قیلمهگن.
اونینگ ایتیشیچه، مرکزی حکومت مسووللری، اوشبو ولایت یشاوچیلری و محلی مسووللرینینگ ایستکلریگه دقت قیلمهیدی.
بیراق غور پولیس قومندانی شاهآغا شتابنینگ ایتیشیچه، ملی اوردو تیک اوچرلری بوگون یرتهلب طالبلر مرکزلرینی هدف قرار بیریب و نتیجهده 8 طالب هلاک ایتیلیب و باشقه 3 طالب یرهلنگن.
شتاب گه کوره، حاضرده مذکور تومنده امکانات و کمکی کوچ انتقال بیرماقدهلر.
چهارسدۀ، غور ولایتینینگ شمالیده قرار تاپیب و اوشبو تومن طالبلر قولیگه سقوط قیلگن صورتده، غور مرکزی فیروزکوه شهرینینگ ناتینچ بولیشی ممکن.
