ییلده کوپینچه ییگیتلر و بالهلر ایران مملکتیدن زورلب چیقاریلیب اسلامقلعه چیگرهسی گه یوباریلهدی. افغانساندن ایران بارهدیگن ییگیتلر و بالهلرنینگ ساتیلیشی، ایشسیزلیک، قیناققه آلینیشی و اولرگه قرشی جنسی زورهوانلیک کته قیینچلیکلردن دیر.
احمدشاه 15 یاشیده، او ینگی لیکده باشقه بالهلر و ییگیتلر بیلن ایراندن زورلب چیقاریلیب اسلامقلعه شهریگه کیلگن.
قشاقلیک و ایشسیزلیک احمدشاه 6 مینگ افغانی توپلب ایران مملکتی گه باریش اوچون یولگه چیقیشی گه مجبور قیلگن.
نتیجهده اوشبو ییگیت، 30 یولاوچی بیلن، 37 کون پیاده یول یوریگنی دن سونگ ایران گه ییتیشگن.
اولر یولده نیچه مرته انسان قاچاقچیلری آرهسیده قولمه قول بولیب و ساتیلگنلر.
اونینگ ایتیشیچه، ایراننینگ چیگرهسیده بولگن شهرلردن بیریگه ییتیشدیک، قاچاقچیلر بیزلرنی بیللی بولمهگن ییرگه انتقال بیردی. اولر بیزلرنی اوریب و قیناق آستیده آلردی و بیزلردن عایلهلری میز بیلن تماس آلیب اولرگه پول تیارلهشی نی ایستردی و پول تیارلمهگن صورتده، تیرناق و تیشلرینگیزنی اوزهمیز دیب آگاهلنتیرردی. اوچ کونگچه بیزلرنی آچ و سووسیز آسیرهدیلر.
یمان خاطرهلرینی تیل گه کیلتیریش اوچون ایرککلیک غروری اجازه بیرمهیدی، بیراق اونینگ ایتیشیچه، نیچه مرته جنسی زورهوانلیککه شاهد بولگن.
احمدشاه مقصدی گه ییتیشگنیدن سونگ، ایرانده آغیر ایش گه کیریب 40 مینگ تومان برابریده کیچه ساعت 11 دن ایرته ساعت 1 گچه ایشلهیدی ایکن. اوشبو ییگیت، ایش آغیرلیگی و اویقوسیزلیکدن قوتیلیش اوچون بنگیوار فایدهلنیشگه باشلهگن.
بیراق احمدشاهنینگ بختی او بیلن یار بولمهدی. او 8 آی ایشلهگنی دن سونگ ایران پولیسی تمانیدن اوشلهنیب قموده آلینگن.
احمدشاهنینگ ایتیشیچه، آیاققابی و کییم لرینی آلیش اوچون ایران پولیسی اجازه بیرگن ایمس. اونینگ ایتیشیچه، کوپینچه عیاللر هوا سوویق بولگنی سبب یغلهریدی بیراق کیمسه اولرنینگ سوزلریگه توجه قیلمس ایدی.
قاشقینلرنی یالغیز احمدشاه تجربه قیلگن ایمس. بیلکیم هرییل ده اونلرچه بالهلر قاچاقچیلرنینگ سوزلریگه اینانیب ایران بارماق اوچون یولگه چیقهدیلر، و شونینگدیگ خاطرهلرنی تجربه قیلهدی .
16 یاشیده بولگن صفیالله، نیچه هفته آلدن ایران توپراغیدن اسلام قلعه شهریده یوباریلدی. اونینگ سرگذشتی هم احمدشاهنینگ سرگذشتی دیک. ایش بیرووچیسی اونینگ 8 آیلیک حقی که 8 میلیون تومان بولهدی بیرمی و نیتجهده اونینگ پولیس گه تاپشیرگن.
صفیالله ایران پولیسینینگ قیناقله گنیدن تنقید ایتیب و پولیس اونینگ جبر ایش لرگه مجبور قیله گنینی بیلدیرهدی.
اونینگ ایتیشیچه، ایش صاحبی تاغهسینینگ حق نی هم بیرگن ایمس. صفیاللهنینگ ایتیشیچه، ایران پولیسی کلتکلش و قیناقلش یانیده اردوگاه تشناب لرینینگ تازهلشگه مجبور قیلهریدی. اونینگ کوپهیتیریشیچه، بیریله دیگن ییمک دن استفاده قیلیب بولمس ایدی.
بالهلر قاچاقینینگ سلبی پیاملریگه قرهگنده، افغانستان قانونچیلری، جزا کدی 511- مادهسی و ایکینچی فقرهسیده باله قاچاقینینگ جرمی گه عیبلنگن حالتنی نظرگه آلیب آچیقلشیچه: زیان کورگن انسان باله و یا-ده عیال بولیب اوینهتیش عملیده سوءاستعمال ایتیلگن صورتده، عیبلنگن کیشی 10 ییلدن آرتیق حبس گه محکوم بولهدی.
یونیسف پروژه سینینگ اجتماعی ایشلر مسوولی غلامرسول عمرینینگ ایران دن زوردن چیقاریله دیگن بالهلر خصوصیده ایتیشیچه، ایران اولکه سیدن چیقاریلهدیگن بالهلرنینگ کوپینچه سی بیلن صحبت بولگن. یونیسف دفترینینگ تیکشیریشی گه کوره ایران گه قاچاق ایتیلگن بالهلرنینگ کوپراغی شمالی ولایت لردن دیر.
اونینگ ایتیشیچه، یولده بالهلردن بیرقطاری اوستیده جنسی زورهوانلیک صورت تاپهدی. تیکشیریشلرگه کوره بیرقطار بالهلر سوریه اوریشی گه یوباریلگن.
عمری گه کوره، بالهلردن بیری پاکستان گه انتقال بیرلگن و آمپول ترزیق قیلیش بیلن خودکش هجومده قولهنیلیش قراری آلینگن بیراق اوشبو باله موضوع گه توجه قیلگنی دن سونگ او ساحه دن قاچیب چیقگن.
هرات ولایتی قاچقین لر ریاستینینگ باشلیغی جاوید نادمنینگ ایتیشیچه، اوتکن 6 آی جریانیده 3500 گه یقیین باله ایران مملکتیدن اسلام قلعه گه زوردن یوباریلگن. جناب نادمنینگ ایتیشیچه، اوشبو زوردن چیقاریلگن بالهلردن بیرقطارینینگ عایله سی حاضرگه هم ایران گه یشب کیلماقدهلر.
جناب نادمنینگ بیرگن رقمی گه کوره، 1396 ییل بیرنچی 6 آی ایچیده 37110 کیشی و 380 عایله ایران مملکتی دن زوردن چیقاریلگن و اولر آرهسیده بالهلر، سرپرستی بولمهگن 41 عیال، 396 کسل، 99 بنگی، 42 ناگیران و 102 آق سقال هم شامل دیر.
هرات ولایتینینگ انسان حقلری کمیسیونینینگ باشلیغی عبدالقادر رحیمینینگ ایتیشیچه، بالهلرنینگ قاچاق ایتیلیشی دواملی شکلده صورت تاپهدی. جناب رحیمی گه کوره، بالهلرنینگ قاچاقی افغان و ایران قاچاقچیلری تاماندن صورت تاپهدی.
جناب رحیمی، اوشبو 30 بالهنینگ قاچاقچیلری، اولرنینگ ایش اوچون بیر مزرعه گه آلیب بارگن و اوشبو مزرعه گه 6 ایشلهگن لریدن سونگ ایش صاحب لری پول لرینی بیرمی و پولیس بیلن بیرلیکده اولرنی زوردن چیقارگن.
بیراق هرات محلی رسمیلرینینگ ایتیشیچه، ایران، افغانستان و بیرلشکن ملت لرتشکیلاتینینگ کمیشنری آرهسیده امضا ایتلگن اوچ تامانلهمه شرط نامه گه کوره، افغانستانلیک قاچقینلر اوچ تامان همکارلیگی بیلن مدیریت ایتیلهدی.
هرات حاکمینینگ سوزلاوچیسی جیلانی فرهادنینگ ایتیشیچه، افغانستان یشاوچیلرینینگ اقامتلری تمدید ایتیلیش لایحهسی و زوردن چیقاریش، اوچ تمانلمه کیلیشوو اساسیده عمل گه آشیریلهدی.
جناب فرهاد گه کوره، اوشبو خصوصده تخطی بولگن حالده، اونینگ گزاریشی مرکزگه یوباریلهدی.
ایراننینگ هرات ولایتی ده گی کنسول باشلیغینینگ ایتیشیچه، حجتی بولگن کیشیلرنینگ ایران گه اقامت قیلیش گه اجازهسی بولمهی و اولرنینگ اولکه لری گه قیتهریلیشی کیرک.
قانون حاکم بولمگنی و قاچاقچیلرنینگ تعقیب ایتیلیشی خصوصیده توجه بولمگنی قاچاقچیلرنینگ فعالیتی کوپهییشی گه سبب بولیب و افغانستانلیک مینگلرچه باله و ییگیتلرنینگ اوشبو یولده قربان بولیشیگه سبب بولگن.
