افغانستان ساغلیقنی سقلش وزیرلیگی نینگ ایتیشیچه، اوتگن 24 ساعت جریانیده 15 ولایتده کرونا ویروس دن باشقه 759 ینگی ایجابی واقعه رویخط گه آلینگن.
مملکت ده اوتگن 24 ساعت جریانیده رویخط گه آلینگن ینگی واقعهلر شامل کرونا ویروس گه چلینگنلرنینگ سانی 16 مینگ و 509 کیشی گه آشگن.
ساغلیقنی سقلش وزیرلیگی تامانیدن بیریلگن رقملر اساسیده، اوتگن بیر کیچه-کوندوز ده اوشبو وزیرلیک نینگ سیناوگاهلریده کرونا ویروس گه شبههلی بیر مینگ و 322 کیشی دن آلینگن نمونه سیناودن اوتکزیلگن.
بوگون «سهشنبه، 13- جوزا» ساغلیقنی سقلش وزیرلیگی نینگ ساغلیک خذمتلری بوییچه اورین باسری وحید مجروح نینگ خبری بیر ییغینده ایتیشیچه، اوتگن 24 ساعت جریانیده رویخط گه آلینگن واقعهلردن 266 تهسی کابل ده، 212 تهسی هرات ده، 66 تهسی پکتیا ده، 39 تهسی بلخ ده، 34 تهسی ننگرهار ده و 27 تهسی بغلان ده قید ایتیلگن.
شونینگدیک، وحید مجروح نینگ ایتیشیچه، خوست ده 25 کیشی، بامیان ده 21 کیشی، فاریاب و غزنی ده 18-18 کیشی، کاپیسا ده 7 کیشی ، پروان ده 4 کیشی، بدخشان ده 3 کیشی و سمنگان ده 2 کیشی نینگ نتیجهسی مثبت اعلان قیلینگن.
ساغلیقنی سقلش وزیرلیگی تامانیدن بیریلگن معلومات اساسیده، اوتگن بیر کیچه-کوندوز ده کرونا کسللریدن 5 تهسی جان بیرگن و باشقه 22 تهسی نینگ قیته ساغهیگنی معلوم قیلینگن.
افغانستانده حاضرگهقدر کرونا کسللریدن 270 تهسی جان بیرگن و باشقه بیر مینگ و 450 تهسی قیته ساغهیگن.
