.jpg)
افغانستان جامعه شناسلریدن بیرقطارینینگ ایشانچیگه کوره، 1396- ییلی کیلهجک ییللرده اجتماعی اوزگریشلر اوچون فرصت یرهتگن. اوشبو ییلده یاغدولیک حرکتی مملکتدن تشقری کینگهیدی و رستاخیز حرکتی نیچه هفته باشکینتنی تیترهتدی.
96- ییل، مدنی فعاللر و سیاسی حزبلرنینگ نیچه ییغینی، ناراضیلیک نمایشلری و یشاوچیلرنینگ اعتصابلریگه گواه بولدی. بیراق هر بیر ناراضیلیکدن سونگ، تحصیل کورگنلردن بیر قسمی سیاسی حرکتلر اینیقسه اجتماعی حرکتلرنینگ زیانلرینی بیلگیلب و افغانستان جماعهسی کون اوتیشی بیلن سیاست گه قربان بولیشینی بیلدیرگنلر.
جامعه شناسلرنینگ ایشانچی گه کوره، بحرانلی مملکتلرده دولتلرنینگ سیاستی اقتصاد و مدنیت رواجلنیشی گه اویغون بولمهیدی و برچه گروهلر سیاسی مسئلهلر حل بولگن تقدیرده اجتماعی، اقتصادی و مدنی قیینچیلیکلر حل ایتیلیشینی توشونهدیلر.
جامعه شناس جمعهخان محمدینینگ ایتیشیچه، سیاسی قیینچیلیک موجودلیگی و دواملی اوروش باعث، برچه نینگ دقتی سیاست گه قرهتیلهدی. اونینگ ایشانچی گه کوره، صنعت، اقتصاد و علمی رواجلنیشلر یشاوچیلرینینگ اصلی دغدغهلری بولگن برقرار مملکتلرگه قرشی بیزلرنینگ جماعهمیزده سیاست بیرینچی اورینده تورهدی.
.jpg)
طالبلرنینگ حکومتی سقوط قیلگنیدن سونگ، میلادی 2003- ییلده افغانستان اساسی بیر قانون گه ایگه بولدی؛ بو قانونده اجتماعی، سیاسی و مدنی ایرکینلیکلر کیریتیلگن ایدی. شونینگدیک، مدنی ادارهلر و صنفی بیرلشمهلر تشکیل ایتیلدی و بو ادارهلر آرقهلی خلق بیر ییرده توپلهنیب و دولتدن حقلرینی ایستهیدیلر.
جامعه شناسلرنینگ ایشانچی گه کوره، مملکتده کورهشیش شیوهسی اوزگرگن و شهری جمعیت رواجلنگنی باعث، یشاوچیلر دادخواهلیک اوچون مکانیسملر و عصری ابزارلردن فایدهلنهدی؛ تبسم، یاغدولیک و رستاخیز حرکتلری اوزگریش محصولی دیر.
مدنی فعال ودود پدرامنینگ ایشانچی گه کوره، افغانستانده یشاوچیلر اوستیگه قانون هیچ قچان بیردیک عمل گه آشیریلمهگن. جناب پدرام نینگ ایتیشیچه، رستاخیز و یاغدولیک حرکتلری دولت دقتسیزلیگی و یشاوچیلر سیقیلگنی باعث، باش کوترگنلر.
بیراق، 96- ییلده یولگه قوییلگن دادخواهلیکلر و ناراضیلیکلر باعث، افغانستان حکومتی «اجتماعات، اعتراضات و اعتصابات» ناملی ینگی بیر قانون چیقاردی. لیکن مدنی ادارهلر و انسان حقلری کمیسیونی تیزلیکده بو قانوننی رد قیلدیلر. اولرنینگ ایشانچی گه کوره، بو قانون اساسی قانون گه قرشی ریجهلنگن. عین حالده، جمهور رییس نمایندهلر کینگشی رخصت کیتگن زمانده، بیر تقنینی فرمان آرقهلی «اجتماعات، اعتراضات و اعتصابات» قانونینی امضاءلهدی.
96- ییل، عیاللر اوچون هم ایدهآل ییل ایمس ایدی. بو ییلده عیاللرگه قرشی تورلی زورهوانلیکلرگه روپهره بولدیک. اوشبو ییلده عیاللرگه قرشی زورهوانلیکلردن اچینرلی بیری زهرا خاورینینگ خودکشلیگی ایدی و بو خودکشلیک جدی اعتراضلرگه همراه بولدی.
.jpg)
زهرا منوگرافی رد ایتیلگنی باعث، خودکشلیک قیلگنی بیلگی لندی، لیکن اوشبو خودکشلیک بیلیم یورتلرده زیان کورگن کوپینچه کیشیلرنینگ سیس چیقاریشلریگه سبب بولدی. زهرا خاورینینگ دوسیهسی میدیالرده جنجل چیقارگنی سبب، مملکت محکمهسیگه یوباریلدی؛ بیراق عدلی و قضایی قوریلمهسی برچه سیسلرنی اوچیردی.
شونینگدیک، انسان حقلری ایرکین کمیسیونی، اوشبو ییلده، عیاللرگه قرشی 4340 زورهوانلیک قضیه رویخط گه آلینگنیدن خبر بیردی.
96- ییلده مذکور کمیسیون گه مراجعت قیلگن عیاللرنینگ میزانی، 95- ییل گه نسبتن 11.7% کوپهیگنینی کورستهدی، بیراق مدنی فعاللرنینگ ایشانچی گه کوره، ناتینچیلیکلر کینگهیگنی باعث، عیاللرگه قرشی برچه زورهوانلیکلر مذکور کمیسیونده رویخط گه آلینمهگن.
اوشبو ییلده عیاللر یوتوقلر هم قولگه کیریتگن. زهره موسیقه گروهی، 2017- فریمیوز ساورینینی قولگه کیریتدی. رویا سادات آرقهلی توزهلگن «جمهور رییس گه مکتوب» ناملی فیلم اسکار ساورینینینگ 90- دوری ده اینگ یخشی چیت ایللیک فیلم بولیمیده سینما صنعتلری و بیلیم اکادمیهسیگه تانیشتیریلدی. ایسلهنیب اوتیلگن موضوعلر دیک باشقه قنچه موضوعلر 1396- ییلده یوز بیرگن.
